స్టార్ హీరో యశ్, స్టార్ డైరెక్టర్ ప్రశాంత్ నీల్ కాంబినేషన్ లో తెరకెక్కిన కేజీఎఫ్ ఛాప్టర్2 గత నెలలోనే రిలీజ్ కావాల్సి ఉన్నా కరోనా సెకండ్ వేవ్ వల్ల వాయిదా పడిన సంగతి తెలిసిందే. ఈ సినిమా కోసం బాలీవుడ్ ప్రేక్షకులు కూడా ఆసక్తిగా ఎదురుచూస్తున్నారు. అయితే తాజాగా ఈ సినిమా రిలీజ్ డేట్ కు సంబంధించిన ప్రకటన వెలువడింది. వచ్చే ఏడాది ఏప్రిల్ 14వ తేదీన ఈ సినిమాను రిలీజ్ చేయనున్నట్టు మేకర్స్ ప్రకటించారు.
వాస్తవానికి వచ్చే ఏడాది ఏప్రిల్ 14వ తేదీన ప్రశాంత్ నీల్ డైరెక్షన్ లో ప్రభాస్ హీరోగా తెరకెక్కుతున్న సలార్ మూవీ రిలీజ్ కావాల్సి ఉంది. అయితే కరోనా సెకండ్ వేవ్ ప్రభావం ఆ సినిమాపై కూడా పడిందని ఆ సినిమా షూటింగ్ ఆలస్యం కానున్న నేపథ్యంలో రిలీజ్ డేట్ మారనుందని తెలుస్తోంది. ఈ విషయం తెలిసి ప్రభాస్ అభిమానులు నిరాశకు గురవుతున్నారు. గతేడాది, ఈ ఏడాది ప్రభాస్ నటించిన ఒక్క సినిమా కూడా రిలీజ్ కాలేదు.
మరోవైపు వచ్చే ఏడాది ఏప్రిల్ నెలలోనే ఆర్ఆర్ఆర్ రిలీజయ్యే అవకాశాలు ఉన్నాయని వార్తలు వస్తున్నాయి. ఒకే నెలలో ఆర్ఆర్ఆర్, కేజీఎఫ్2 సినిమాలు విడుదలైతే ఒక సినిమా కలెక్షన్లపై మరో సినిమా ప్రభావం చూపే అవకాశాలు అయితే ఉంటాయి. ఆర్ఆర్ఆర్ కొత్త రిలీజ్ డేట్ కు సంబంధించి త్వరలోనే స్పష్టత రానుంది. కరోనా సెకండ్ వేవ్ వల్ల నిర్మాతలు భారీ మొత్తంలో నష్టపోతుండగా ప్రేక్షకులు తమ ఫేవరెట్ హీరోల సినిమాల కోసం ఎదురు చూడాల్సిన పరిస్థితి ఏర్పడింది. కేజీఎఫ్2 సినిమాను వచ్చే ఏడాదికి వాయిదా వేయడం మరీ ఘోరమని నెటిజన్లు, యశ్ అభిమానులు కామెంట్లు చేస్తున్నారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home