బిగ్‌‌బాస్ 8 (Bigg Boss 8 Telugu) కంటెస్టెంట్ మణికంఠ (Naga Manikanta) .. మొదట్లో చాలా సెన్సిటివ్ గా కనిపించాడు. ఎంతసేపు ఏడుస్తూ, తన బాధలు చెప్పుకుంటూ.. అందరినీ ఏడిపించే వాడు.అతని ఏడుపు చూసి..మొదటి సీజన్లో సంపూర్ణేష్ బాబులా..వెనుదిరుగుతాడేమో అని అంతా అనుకున్నారు.గేమ్ కూడా అతను ఆడటం మానేసిన సందర్భాలు ఉన్నాయి. అయితే రెండో వారం తన ఆట, మాటలో చాలా మార్పు కనిపించింది. ముఖ్యంగా స్పెల్లింగ్ టాస్కులో గెలిచి స్పెషల్ అట్రాక్షన్ అయ్యాడు మణికంఠ. ఇక లేటెస్ట్ ఎపిసోడ్లో కూడా అతను మంచి జోష్ లో కనిపించాడు.
‘సాక్స్ టాస్కులో భయపడిపోయి అటూ ఇటూ తిరగాడు’ అంటూ అభయ్ (Abhay Naveen) .. మణికంఠపై కామెంట్ చేశాడు.దానికి మణికంఠ.. ‘నేనేం భయపడలేదు అన్నా.. ఎంతవరకు ఆడాలో అంతవరకు ఆడాను.. అందులో జోక్ చేసుకోవడానికి ఏం లేదు.. నా బాడీ మీద జోక్స్ చేయకండి.. నాకు మీ అందరితో కలవాలంటే చాలా కష్టంగా ఉంది.’ అంటూ కాస్త గట్టిగానే సమాధానం ఇచ్చాడు. ఇక తర్వాత ట్రూత్ ఆర్ డేర్ విషయంలో విష్ణుప్రియ (Vishnu Priya) డేర్ అని సెలక్ట్ చేయగానే వెంటనే పోల్ డ్యాన్స్ చెయ్ అంటూ మణికంఠ అడిగాడు.
తర్వాత యష్మీని (Yashmi Gowda) కూడా ఆటపట్టించాడు. ఆమెతో తన భుజాలకి మసాజ్ కూడా చేయించుకున్నాడు. ఆ టైంలో ‘పికిల్ బాటిల్ ఎక్కడ దాచావ్? చెప్పవా ప్లీజ్?’ అంటూ యష్మీ మణికంఠని బ్రతిమాలింది. దీనికి అతను ముందు ప్రేమగా మసాజ్ చేయాలి కోపంతో వద్దు.. ఆమెపై సెటైర్ వేశాడు. తర్వాత ‘నా గురించి ఓ 3 మంచి మాటలు చెప్పు’ అంటూ యష్మీతోనే పొగిడించుకున్నాడు మణికంఠ.అటు తర్వాత బీమ్ బ్యాగ్‌లో దాచిన పికిల్ బాటిల్ తీసి ఆమెకు ఇచ్చాడు. అదే టైంలో మణికంఠ పౌచ్ ఒకటి ప్రేరణ కొట్టేసింది.
అది తనపై కోపంతో యష్మీ తీసిందేమో అని అతను భావించి ‘ప్లీజ్ ఇచ్చేయవా’ అంటూ బతిమాలాడు. అందుకు ఆమె ఓ పాట పాడి, డ్యాన్స్ చెయ్యి..అప్పుడు ఇస్తాను’ అంటూ కండిషన్ పెట్టింది. ఈ క్రమంలో మణికంఠ ‘అందమైన ప్రేమ రాణి చేయి తగిలితే’ అంటూ యష్మీని చూస్తూ హుషారుగా పాడాడు. దీంతో ‘రేయ్ వాడు కసిగా ఉన్నాడు ఇచ్చేయవే బాబూ పౌచ్’ అంటూ పారిపోయింది యష్మీ. ఆ తర్వాత మళ్ళీ రివెంజ్ ప్లాన్ చేసిన మణికంఠ..యష్మీ చిప్స్ ప్యాకెట్ ఒకటి కొట్టేసి.. చాటుగా తినేశాడు. ఇలా హౌస్లో హుషారుగా కనిపిస్తున్నాడు మణికంఠ.
