‘జబర్దస్త్’ కామెడీ షో దాదాపు 10 ఏళ్లుగా ప్రేక్షకులను అలరిస్తుంది.టి.ఆర్.పి విషయంలో సరికొత్త రికార్డులు క్రియేట్ చేసింది. యూట్యూబ్ లో కూడా జబర్దస్త్ ను చూసేవారి సంఖ్య ఎక్కువగానే ఉంది. ఈ షో చాలా మందికి లైఫ్ ఇచ్చింది. ఇందులో స్కిట్లు వేసే వాళ్ళు చాలా మంది సినిమాల్లో అవకాశాలు దక్కించుకుని బిజీ ఆర్టిస్ట్ లు గా రాణిస్తున్నారు.కొంతమంది హీరోలుగా కూడా సినిమాలు చేస్తున్నారు. మరోపక్క జబర్దస్త్ కంటెస్టెంట్లు వివాదాల్లో చిక్కుకున్న సందర్భాలు అనేకం ఉన్నాయి.
‘జబర్దస్త్’ షో కి ఉన్న క్రేజ్ కారణంగా.. ఇందులో కంటెస్టెంట్లుగా చేసిన వాళ్ళ పై ఎటువంటి వార్త వచ్చినా వైరల్ అవుతూ ఉంటుంది. ఈ మధ్య సుడిగాలి సుధీర్, గెటప్‌ శ్రీను,యాంకర్ అనసూయ వంటి వారు షో నుండి తప్పుకున్నారు. అలాగే ఇటీవల కిరాక్‌ ఆర్పీ ఆ షో పై అలాగే మేనేజ్మెంట్ చేసిన కామెంట్స్ పెద్ద ఎత్తున హాట్ టాపిక్ అయ్యాయి. వీటి పై హైపర్ ఆది, ఆటో రాంప్రసాద్‌ వారు క్లారిటీ ఇచ్చారు అనుకోండి.
ఇదిలా ఉండగా.. తాజాగా ఈ షోకి మేనేజర్ అయిన ఏడుకొండలు, ఇటీవల ఓ ఇంటర్వ్యూలో పాల్గొని ‘కిరాక్‌ ఆర్పీ చేసిన ఆరోపణల్లో’ ఒక్కటి కూడా నిజం లేదని తేల్చి చెప్పారు. అనంతరం సుడిగాలి సుధీర్ గురించి షాకింగ్ కామెంట్లు చేశారు. ‘సుధీర్ ని పిలిచి మరీ లైఫ్ ఇచ్చింది నేను. అలాంటిది అతను ఈరోజు నా ఫోన్ లిఫ్ట్ చేయడం మానేశాడు. నలుగురు ఫ్యాన్స్‌, నాలుగు డబ్బులు రాగానే ఎక్కడి నుంచి వచ్చాం అన్నది మర్చిపోయాడు.
నేను ఒకసారి మాల్ ఓపెనింగ్‌కి రావాలని అడగడానికి ఫోన్ చేస్తే తన మేనేజర్ తో మాట్లాడమని చెప్పాడు. షో నుండి ఎందుకు తప్పుకున్నాడు అని అడగడానికి చాలా సార్లు ఫోన్ చేశాను. కానీ అతను లిఫ్ట్ చేయలేదు. వీళ్ళు సినిమాల్లో బిజీగా ఉన్నానని చెబుతున్నారు. అసలు వీళ్ళు హీరోలుగా చేసిన సినిమా ఏదైనా ఆడిందా?’ అంటూ ఆయన మండిపడ్డారు. తర్వాత సుడిగాలి సుధీర్ కు లైవ్ లో ఆయన కాల్ చేశాడు. నిజంగానే సుధీర్ లిఫ్ట్ చేయలేదు. మరి దీని పై సుధీర్ ఎలా స్పందిస్తాడో చూడాలి.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
