ఒక్కోసారి హీరోయిన్లు వరుస అవకాశాలు రాక ఇబ్బందిపడితే.. ఇంకోసారి కొందరు అవకాశాలు వచ్చి ఇబ్బందిపడుతుంటారు. అందాల భామ లావణ్య త్రిపాఠి ఈ రెండో కేటగరీకి చెందిన అమ్మాయి. తెలుగులో “అర్జున్ రెడ్డి” లాంటి సూపర్ హిట్ అనంతరం విజయ్ దేవరకొండ సరసన నటించే అవకాశాన్ని కావాలని చేజార్చుకున్న లావణ్య త్రిపాఠి ఇప్పుడు తమిళంలోనూ జీవి ప్రకాష్ కథానాయకుడిగా తెరకెక్కనున్న “100% లవ్” తమిళ రీమేక్ నుంచి కూడా ఔట్ అయిపోయింది.
అమ్మడు కావాలనే ఈ ప్రొజెక్ట్స్ నుండి బయటకు వచ్చేసిందా లేక మరేదైనా కారణమా అనే విషయం ఇంకా తెలియదు కానీ.. ఆమె ఎగ్జిట్ అవ్వడంతో ఆ ఆఫర్ ను “అర్జున్ రెడ్డి” ఫేమ్ షాలిని పాండే క్యాచ్ చేసింది. అయితే.. అసలే “మిస్టర్, రాధా, యుద్ధం శరణం” లాంటి సినిమాలతో వరుస ఫ్లాప్స్ చవిచూసిన లావణ్య ఇలా వరుసబెట్టి ప్రోజెక్ట్స్ ని వదిలేయడం ఎంతవరకూ సబబో ఆమెకే తెలియాలి.
Also, do SUBSCRIBE to our YouTube channel to get latest Tollywood updates.
