హీరోలు ఒక సినిమాకి డేట్స్ ఇవ్వడం అనేది ఇప్పుడు పెద్ద విషయం అయిపోయింది. ఎందుకంటే ప్రతి హీరో కూడా రెండు, మూడు ప్రాజెక్టులతో బిజీగా ఉన్నారు. అవి కంప్లీట్ అయ్యేసరికి ఎక్కువ డేట్స్ అవసరం అయినా.. ఇవ్వాలి. దానికి నిర్మాత దగ్గర డబ్బులు తీసుకోవడం కూడా కామన్. అయినా తప్పదు. ఇలాంటి పరిస్థితుల్లో షూటింగ్ కంప్లీట్ చేసుకున్న సినిమాకి ప్రమోషన్స్ కు టైం ఇవ్వడం అనేది కూడా వాళ్ళు బర్డెన్ లా చూస్తున్నారు.
సినిమాకి ఓపెనింగ్స్ రావాలంటే హీరో వెళ్లి ప్రమోట్ చేయాలి. సినిమా అటు ఇటుగా ఉంటే ఇంకా ఎక్కువగా ప్రమోట్ చేయాలి. లేదు అంటే అది థియేటర్లలో నిలబడదు. ఇక్కడ ఇంకో విషయం ఏంటంటే.. సినిమా హీరోలు అనుకున్నట్టు రాకపోతే.. వాళ్ళు ప్రమోషన్స్ ని మ్యాగ్జిమమ్ స్కిప్ చేయడానికి చూస్తున్నారు అనే టాక్ కూడా ఇండస్ట్రీ నుండి వినిపిస్తోంది. వాళ్లకు నచ్చిన సినిమాకే ప్రమోషన్ చేసుకోవాలని వాళ్ళు చూస్తున్నారు. అలాంటి వాళ్ళు వెంకటేష్ (Venkatesh Daggubati) ను చూసి నేర్చుకోవాలి అని కొందరు అంటున్నారు.
‘సంక్రాంతికి వస్తున్నాం’ (Sankranthiki Vasthunam) సినిమాకి అతను చేసిన ప్రమోషన్ అంతా ఇంతా కాదు. దర్శకుడు అనిల్ చెప్పిన ప్రతి ప్రమోషన్ కి.. వెంకీ ఒప్పుకుని.. వాటిలో పాల్గొన్నారు. రిలీజ్ కి ముందు, రిలీజ్ కి తర్వాత కూడా అదే జోరు చూపించారు. ‘సంక్రాంతికి వస్తున్నాం’ సినిమా సూపర్ హిట్ అయ్యింది. దానికి రావాల్సిన ప్రాఫిట్స్ కూడా గట్టిగానే వచ్చాయి. అయినా సరే నిన్న భీమవరంలో సక్సెస్ మీట్ ఏర్పాటు చేశారు. దీనికి వెంకీ వెళ్ళాడు.
అంతేకాకుండా అక్కడ స్టేజి మీద డాన్స్ చేశాడు,పాటలు పాడాడు, కామెడీ చేశాడు. అన్నీ చేశాడు. సినిమా కంప్లీట్ అయిపోయాక, రావాల్సిన డబ్బులు వచ్చేశాక.. ఓ స్టార్ హీరో ఇంకా ఇలా చేయాల్సిన అవసరం లేదు. అయినప్పటికీ వెంకటేష్ వంటి స్టార్ హీరో సినిమాని మరింత పుష్ చేయడానికి ముందుకు వచ్చారు. దీని వల్ల సినిమాని చూడని వాళ్ళు చూస్తారు. నిర్మాతకి మరింతగా డబ్బులు వస్తాయి. హిట్ సినిమాకి మాత్రమే కాదు.
గత ఏడాది సంక్రాంతి కానుకగా రిలీజ్ అయిన ‘సైందవ్’ (Saindhav) ని కూడా గట్టిగా పుష్ చేసే ప్రయత్నం చేశారు వెంకీ. రిలీజ్ కి ముందు సినిమా కోసం చేయాల్సిన ప్రమోషన్ కంటే ఎక్కువే చేశారు. ఇలా టాలీవుడ్లో ఉన్న హీరోలంతా ఆలోచిస్తే.. నిర్మాతలు బాగుంటారు. సినిమా కూడా నిలబడుతుంది.
What an energy @VenkyMama sir
మై డియర్ స్టార్ హీరోలు, యంగ్ హీరోలు.. ఫాలో అవ్వండి#VenkateshDaggubati #sankranthikivastunnam #AnilRavipudi pic.twitter.com/sZrpTuwBOx
— Phani Kumar (@phanikumar2809) January 27, 2025
Home
