సినిమా చిత్రీకరణలో నటుల్ని దర్శకులు కోప్పడం కామన్‌ అంటుంటారు. అలాగే కొందరు దర్శకులు ఏకంగా కొడుతుంటారు అనే మాట కూడా అప్పుడప్పుడు వినిపిస్తూ ఉంటుంది. అలా కొడతారు అనే పేరున్న దర్శకుల్లో తెలుగులో తేజ ఒకరు. తమిళంలో అయితే బాలా అలా చేస్తారని టాక్‌. ఇటీవల ఆయన అలా చేయడం వల్లే ఓ హీరోయిన్ ఏడాది సినిమాకు పని చేసి తప్పుకున్నారు అని వార్తలొచ్చాయి. తాజాగా ఈ విషయంలో కథానాయిక స్పందించింది.
మంచి పెర్ఫామెన్స్ రాబట్టుకునే క్రమంలో తేడా వస్తే ఆర్టిస్టులను కొట్టేస్తారని, అలాగే తమిళ సీనియర్ దర్శకుడు బాల కూడా ఓ హీరోయిన్ని కొట్టినట్లు ఈ మధ్య వార్తలు వచ్చాయి. అరుణ్ విజయ్ హీరోగా బాలా తెరకెక్కిస్తున్న ‘వంగమన్’ సినిమా సెట్స్‌లోనే ఈ ఘటన జరిగింది అని వార్తలొచ్చాయి. ఆ సినిమాలో హీరోయిన్‌గా తొలుత అనుకున్న, సినిమా ప్రీ ప్రొడక్షన్‌లో ఏడాదిపాటు భాగమైన మలయాళ అమ్మాయి మామిత బైజు తప్పుకుంది. దీంతోనే పుకార్లు మొదలయ్యాయి.
‘ప్రేమలు’ అనే మలయాళతో పాపులారిటీ సంపాదించిన మామిత… ఇటీవల మీడియా ముందుకు రాగా ఆమెను బాలా గురించి, ఆ ఇన్సిడెంట్‌ గురించి అడిగారు . వాటికి ఆమె బదులిస్తూ.. మీడియాలో నా గురించి వస్తున్న వార్తల్లో నిజం లేదు. బాలా గురించి నేనెప్పుడూ తప్పుగా మాట్లాడలేదు. ‘వనంగాన్’ సినిమా కోసం దాదాపు ఏడాది పని చేశాను. కానీ సినిమా ఆలస్యం అవుతుండటంతో వేరే సినిమాల డేట్స్‌ అడ్జెస్ట్‌ కాక తప్పుకున్నాను అని చెప్పింది. దీంతో ఈ విషయంలో క్లారిటీ వచ్చింది.
ఇక ‘వనంగాన్’ సినిమా గురించి చూస్తే… బాలా స్టైల్లో సాగే సినిమానే ఇది. ఇప్పటికే వచ్చిన పోస్టర్లు చూస్తే ఈ విషయం అర్థమైపోతుంది. మామిత ప్లేస్‌లో రోషిణి ప్రకాశ్‌ అనే కొత్తమ్మాయిని తీసుకున్నారు. గతేడాది మార్చిలో షూటింగ్‌ ప్రారంభించుకున్న ఈ సినిమా రిలీజ్‌ డేట్‌ త్వరలో అనౌన్స్‌ చేస్తారని సమాచారం. ఈ సినిమాలో పాత్ర (Mamitha Baiju) తనకు కలకాలం గుర్తుండిపోతుందని అరుణ్ విజయ్ అంటున్నారు.
ఆపరేషన్ వాలెంటైన్ సినిమా రివ్యూ & రేటింగ్!
భూతద్ధం భాస్కర్ నారాయణ సినిమా రివ్యూ & రేటింగ్!
చారి 111 సినిమా రివ్యూ & రేటింగ్!
