Zombie Reddy: మంచి టి.ఆర్.పి రేటింగ్ ను సాధించిన ప్రశాంత్ వర్మ ‘జాంబీ రెడ్డి’..!

చైల్డ్ ఆర్టిస్ట్ గా ఎన్నో సూపర్ హిట్ చిత్రాల్లో నటించిన తేజ సజ్జా హీరోగా మారుతూ చేసిన చిత్రం ‘జాంబీ రెడ్డి’. ఆనంది హీరోయిన్ గా నటించిన ఈ చిత్రంలో హర్షవర్ధన్, ప్రియ, కిరిటీ,గెటప్ శీను,మహేష్ విట్టా,అన్నపూర్ణ వంటి వారు కీలక పాత్రలు పోషించారు. ఫిబ్రవరి 5న థియేటర్లలో విడుదలైన ఈ చిత్రం బాక్సాఫీస్ వద్ద సూపర్ హిట్ గా నిలిచింది. మార్చి 26న ఆహా ఓటిటిలో విడుదలవ్వగా అక్కడ కూడా సూపర్ హిట్ అయ్యింది.

అయితే ఓటిటిలో విడుదలైన ఈ చిత్రాన్ని రెండు రోజులకే టీవీల్లో టెలికాస్ట్ చేస్తున్నారు అని తెలిసిన వెంటనే అనేక అనుమానాలు వ్యక్తమయ్యాయ. డిజిటల్ రిలీజ్ చేసిన వెంటనే టీవీల్లో టెలికాస్ట్ చేస్తే మంచి టి.ఆర్.పి నమోదవ్వడం కష్టమేమో అని చాలా మంది కామెంట్లు చేసారు. కానీ అందరి అనుమానాలకు చెక్ పెడుతూ..మార్చి 28న స్టార్ మా.. లో టెలికాస్ట్ అయిన ఈ చిత్రానికి ఏకంగా 9.7 టి.ఆర్.పి రేటింగ్ నమోదయ్యింది. ఈ చిత్రం శాటిలైట్ హక్కులను స్టార్ మా.. వారు దాదాపు రూ.2 కోట్లకు కొనుగోలు చేశారని వినికిడి.

పెట్టింది మొత్తం మొదటిసారి టెలికాస్ట్ అయినప్పుడే రికవరీ అయిపోయిందని తెలుస్తుంది.తరువాత నుండీ టెలికాస్ట్ చేస్తే వచ్చేవి అన్నీ లాభాలే అన్న మాట. ‘యాపిల్ ట్రీస్ స్టూడియోస్’ బ్యానర్ పై రాజశేఖర్ వర్మ ఈ చిత్రాన్ని నిర్మించడం విశేషం. చాలాకాలంగా మంచి హిట్ కోసం ఎదురుచూసిన దర్శకుడు ప్రశాంత్ వర్మకు ఈ చిత్రం ఆ లోటుని తీర్చేసింది.

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!