ఇష్టమైన వారి పేర్లు.. గుర్తులను బాడీ పై వేసుకోవడం చాలామందికి ఇష్టం. ఈ టాటూస్ ని సినీ స్టార్లు వేసుకోవడంతో మరింతమందికి వీటిపై క్రేజ్ పెరిగింది. రొటీన్ కి భిన్నంగా స్టార్లు టాటూస్ వేసుకొని మరింత అందంగా కనిపించారు. ట్రెండ్ సృష్టించారు. అలా టాటూస్ తో అదరగొట్టిన హీరోలపై ఫోకస్..
నాగార్జున (శివమణి)టాలీవుడ్ మన్మధుడు అక్కినేని నాగార్జున శివమణి చిత్రంలో భుజం పైన టాటూతో కనిపించి ఆకట్టుకున్నారు.
ప్రభాస్ (ఏక్ నిరంజన్, మిస్టర్ పర్ఫెక్ట్, బాహుబలి )యంగ్ రెబల్ స్టార్ ప్రభాస్ పూరి జగన్నాథ్ దర్శకత్వంలో నటించిన ఏక్ నిరంజన్ సినిమాలో చేతిపై విదీశీ భాషలో టాటూ వేసుకున్నారు. అలాగే మిస్టర్ పర్ఫెక్ట్ చిత్రంలో చేతిపై టాటూ వేసుకున్నారు. బాహుబలి చిత్రంలోనూ మహేంద్ర బాహుబలి క్యారెక్టర్ నుదిటిపై బొట్టుగానూ, చేతిపైనా టాటూ వేసుకున్నారు.
ఎన్టీఆర్ (ఊసరవెల్లి, టెంపర్ )ఊసరవెల్లి సినిమాలో ఎన్టీఆర్ మెడపైన టోనీ అనే ఆంగ్ల అక్షరాలను టాటూగా వేసుకున్నారు. టెంపర్ లోను ఎన్టీఆర్ టాటూతో స్టైల్ గా కనిపించారు.
