ఆ సంధర్భంగా ట్విట్టర్ ఎంట్రీ ఇచ్చిన నారా రోహిత్

హీరో నారా రోహిత్ చాల కాలం తరువాత అభిమానులను పలకరించాడు. ఓ అందమైన జ్ఞాపకాన్ని తలుచుకుంటూ సోషల్ మీడియాలో సందడి చేశాడు. నారా రోహిత్ హీరోగా ముఖానికి మేకప్ వేసుకొని 11ఏళ్ళు అయిన సందర్భంగా ఆయన ఓ త్రో బ్యాక్ పిక్ పంచుకున్నారు. ఓ బైక్ పై కూర్చొని ఉన్న ఆ ఫోటో.. ఆయన మొదటి చిత్రం బాణం సినిమాకు సంబంధించిన మొదటి షాట్ అట. 2009 మే 5న రోహిత్ డెబ్యూ మూవీ బాణం కొరకు తనపై తీశారట. ఆ మెమరబుల్ డే ని నారా రోహిత్ ఈ సంధర్భంగా గుర్తుచేసుకున్నారు.

చైతన్య దంతులూరి దర్శకత్వంలో వేదిక హీరోయిన్ గా తెరకెక్కిన ఈ చిత్రం అదే ఏడాది సెప్టెంబర్ 16న విడుదలైంది. ఇక నేడు నారా రోహిత్ తన అధికారిక ట్విట్టర్ అకౌంట్ ప్రారంభించారు.ఆ అకౌంట్ లో బాణం సినిమా కోసం తనపై చిత్రీకరించిన వర్కింగ్ స్టిల్ కి సంబందించిన ఫోటో ఆయన షేర్ చేశారు. మొదటి చిత్రం బాణంతో ఓ మోస్తరు విజయాన్ని అందుకున్న నారా రోహిత్, పరుశురాం డైరెక్షన్ లో వచ్చిన సోలో మూవీతో మంచి హిట్ అందుకున్నాడు.

ఈ 11ఏళ్ల కెరీర్ లో నారా రోహిత్ అనేక ప్రయోగాత్మక చిత్రాలలో నటించారు. జయాపజయాల సంగతి అటుంచితే నటుడిగా ఆయన మంచి పేరుతెచ్చుకున్నారు. అనగనగా దక్షిణాదిలో, శబ్దం, మద్రాసి మరియు పండగలా వచ్చాడు అనే నాలుగు సినిమాలలో ఆయన నటించనున్నాడు. ఇక రోహిత్ తన నెక్స్ట్ మూవీ కోసం పూర్తి మేకోవర్ అయ్యారు. ఆయన బరువు తగ్గడంతో పాటు చాలా స్లిమ్ గా తయారయ్యారు.

Most Recommended Video

అమృతారామమ్ సినిమా రివ్యూ & రేటింగ్!
‘బాహుబలి’ ని ముందుగా ప్రభాస్ కోసం అనుకోలేదట…!
తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు