సెప్టెంబర్లో పెద్ద సినిమాల సందడి మిస్ అయ్యింది. ఇదే మంచి సమయం కదా అన్నట్టు మిడ్ రేంజ్ సినిమాలు, చిన్న సినిమాలు, డబ్బింగ్ సినిమాలు థియేటర్లలోకి ఎంట్రీ ఇస్తున్నాయి. సెప్టెంబర్ నేలలోకి ఎంట్రీ ఇచ్చి 3 వారాలు దాటుతున్నా చెప్పుకోదగ్గ సినిమాలు ఏమీ లేవు. ఈ క్రమంలో ఓటీటీలే రాజ్యం ఏలుతున్నాయి. థియేటర్లను మించి ప్రతీవారం ఓటీటీలో కూడా సినిమాలు మరియు వెబ్ సిరీస్ లు రిలీజ్ అవుతున్నాయి. సరే ఈ విషయాలను పక్కన పెట్టేసి ఈ వారం థియేటర్ మరియు ఓటీటీల్లో రిలీజ్ అవుతున్న సినిమాలు ఏంటో ఓ లుక్కేద్దాం రండి :
ముందుగా థియేటర్లలో రిలీజ్ అవుతున్న సినిమాలు :
1) కృష్ణ వ్రింద విహారి : నాగశౌర్య హీరోగా అనీష్ ఆర్ కృష్ణ దర్శకత్వంలో ‘ఐరా క్రియేషన్స్’ బ్యానర్ పై ప్రముఖ నిర్మాత ఉషా ముల్పూరి నిర్మించిన చిత్రం ‘కృష్ణ వ్రింద విహారి’. షెర్లీ సెటియా ఈ చిత్రంతో టాలీవుడ్ లోకి అడుగుపెడుతోంది. శంకర్ ప్రసాద్ ముల్పూరి ఈ చిత్రానికి సమర్పకులు. మహతి స్వరసాగర్ సంగీతం అందించిన ఈ చిత్రం సెప్టెంబర్ 23న విడుదల కాబోతుంది.
2) అల్లూరి : శ్రీవిష్ణు హీరోగా తెరకెక్కుతున్న చిత్రం ‘అల్లూరి’.ప్రదీప్ వర్మ దర్శకుడిగా పరిచయం అవుతున్న ఈ చిత్రాన్ని లక్కీ మీడియా బ్యానర్పై బెక్కెం వేణుగోపాల్ నిర్మించగా, బెక్కెం బబిత సమర్పకులుగా వ్యవహరిస్తున్నారు. సెప్టెంబర్ 23న ప్రపంచ వ్యాప్తంగా గ్రాండ్గా విడుదల కాబోతుంది.
3) దొంగలున్నారు జాగ్రత్త : డి. సురేష్ బాబు సురేష్ ప్రొడక్షన్స్, సునీత తాటి గురు ఫిలింస్ సంయుక్త నిర్మాణంలో తెరకెక్కిన చిత్రం ‘దొంగలున్నారు జాగ్రత్త’. ఎం.ఎం.కీరవాణి కొడుకు శ్రీ సింహా కోడూరి హీరోగా నటిస్తున్న ఈ చిత్రంలో ప్రీతి అస్రాని హీరోయిన్ గా నటిస్తుంది. సర్వైవల్ థ్రిల్లర్ గా రూపొందిన ఈ చిత్రానికి సతీష్ త్రిపుర దర్శకత్వం వహిస్తున్నారు. కాల భైరవ సంగీతం అందిస్తున్నారు. సెప్టెంబర్ 23న ఈ చిత్రం విడుదల కాబోతోంది.
4) మాతృదేవోభవ : శ్రీ వాసవి మూవీస్ బ్యానర్పై రూపొందిన చిత్రమిది. సెప్టెంబర్ 24న ఈ మూవీ గ్రాండ్ గా రిలీజ్ కాబోతోంది. సీనియర్ నటి సుధ టైటిల్ రోల్ పోషిస్తున్న ఈ చిత్రంలో సీనియర్ హీరో సుమన్ కీలక పాత్ర పోషిస్తున్నారు. MS రెడ్డి సమర్పిస్తున్న ఈ చిత్రానికి కె . హరనాథ్ రెడ్డి దర్శకత్వం వహిస్తున్నారు. ఈ సినిమాతో పతాంజలి శ్రీను, అమృత చౌదరి హీరో హీరోయిన్లుగా పరిచయం అవుతున్నారు.
5) పగ పగ పగ : ప్రముఖ సంగీత దర్శకుడు కోటి మొదటి సారిగా ఓ విలక్షణ పాత్రలో కనిపిస్తోన్న చిత్రం ఇది. సుంకర బ్రదర్స్ వారి సమర్పణలో అభిలాష్ సుంకర, దీపిక ఆరాధ్య హీరో హీరోయిన్లుగా నటించిన ఈ చిత్రాన్ని రవి శ్రీ దుర్గా ప్రసాద్ నిర్మించారు. సత్య నారాయణ సుంకర ఈ చిత్రాన్ని నిర్మించారు. సెప్టెంబర్ 22న ఈ మూవీ రిలీజ్ కాబోతుంది.
ఓటీటీలో రిలీజ్ అవుతున్న సినిమాలు :
6) ది పెర్ఫ్యూమర్ : ఈ హాలీవుడ్ మూవీ సెప్టెంబర్ 21 నుండి నెట్ ఫ్లిక్స్ లో స్ట్రీమింగ్ కానుంది.
7) జంతరా : ఈ హిందీ వెబ్ సిరీస్ సెప్టెంబర్ 23 నుండి నెట్ ఫ్లిక్స్ లో స్ట్రీమింగ్ కానుంది.
8)ఎల్.వో.యు : ఈ హాలీవుడ్ మూవీ సెప్టెంబర్ 23 నుండి నెట్ ఫ్లిక్స్ లో స్ట్రీమింగ్ కానుంది.
9) అందోర్ : ఈ హిందీ వెబ్ సిరీస్ సెప్టెంబర్ 21 నుండి డిస్నీ ప్లస్ హాట్ స్టార్లో స్ట్రీమింగ్ కానుంది.
10) ది కర్షషియన్స్ సీజన్ 2 : సెప్టెంబర్ 22 నుండి డిస్నీ ప్లస్ హాట్ స్టార్ లో స్ట్రీమింగ్ కానుంది.
11) బబ్లీ బౌన్సర్ : తమన్నా ప్రధాన పాత్రలో తెరకెక్కిన ఈ మూవీ సెప్టెంబర్ 23 నుండి డిస్నీ ప్లస్ హాట్ స్టార్ లో స్ట్రీమింగ్ కానుంది.
12) ఫస్ట్ డే ఫస్ట్ షో : ‘జాతి రత్నాలు’ అనుదీప్ కథ, డైలాగ్స్ రాసిన ఈ మూవీని సెప్టెంబర్ 23 నుండి ఆహా లో స్ట్రీమింగ్ కానుంది.
13) డైరీ : ఈ తమిళ్ మూవీ సెప్టెంబర్ 23 నుండి ఆహా లో స్ట్రీమింగ్ కానుంది.
14) డ్యూడ్ : ఈ హిందీ సిరీస్ సెప్టెంబర్ 20 నుండి అమెజాన్ ప్రైమ్ వీడియోలో స్ట్రీమింగ్ కానుంది.
15) హుష్ హుష్ : ఈ హిందీ సిరీస్ సెప్టెంబర్ 22 నుండి అమెజాన్ ప్రైమ్ వీడియోలో స్ట్రీమింగ్ కానుంది.
16) అతిథి భూతొ భవ : ఈ హిందీ మూవీ సెప్టెంబర్ 22 నుండి జీ5 లో స్ట్రీమింగ్ కానుంది.
Most Recommended Video
శాకిని డాకిని సినిమా రివ్యూ & రేటింగ్!
నేను మీకు బాగా కావాల్సినవాడిని సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ గీతు రాయల్ గురించి ఆసక్తికర విషయాలు..!
