Hey Balwanth Review in Telugu: హే బలవంత్ సినిమా రివ్యూ & రేటింగ్!

ఇంతకీ ఆ బిజినెస్ ఏమిటి? ఎందుకని ఇమ్మీడియట్ గా అమ్మేయాలి అనుకుంటాడు? ఆ బిజినెస్ కారణంగా తండ్రీకొడుకుల నడుమ ఎలాంటి ఇబ్బందులు తలెత్తాయి? వాటిని కృష్ణ ఎలా సరిదిద్దాడు? వంటి ప్రశ్నలకి సమాధానమే “హే బలవంత్” చిత్రం.

నటీనటుల పనితీరు: సాధారణంగా సినిమాలో హీరోహీరోయిన్లు హైలైట్ అవ్వడం అనేది చూస్తూ ఉంటాం. కానీ.. “హే బలవంత్” సినిమాలో మాత్రం కెమెడియన్ సుదర్శన్ హైలైట్ అయ్యాడు. అతని కామెడీ డైలాగులు, బాడీ లాంగ్వేజ్ హిలేరియస్ గా ఎంటర్టైన్ చేసాయి. ముఖ్యంగా హీరోయిన్ దగ్గర మొదటిసారి బిజినెస్ మ్యానేజ్ చేసే సీక్వెన్స్ లో సుదర్శన్ & వెన్నెల కిషోర్ టైమింగ్ థియేటర్ మొత్తం నవ్వేలా చేసింది. ఒక నాలుగైదు సీక్వెన్సుల్లో సుదర్శన్ మాత్రం సినిమాని మోసేశాడు అని చెప్పాలి.

సుహాస్ చాలా సినిమాల తర్వాత లుక్స్ వైజ్ కొత్తగా కనిపించాడు. కొద్దిగా ఆండర్ ప్లే చేశాడు కూడా. చుట్టూ ఉన్న పాత్రల డామినేషన్ ని తట్టుకుని నిలబడడంలో మాత్రం తడబడ్డాడు.

శివానీ నాగారం సహజంగా ఉంది. కామెడీ కానీ, ఎమోషన్ కానీ ఎక్కడా అతి చేయకుండా.. సన్నివేశానికి కావాల్సిన నటనతో ఆకట్టుకుంది. ముఖ్యంగా మాది చాలా ఆర్థోడాక్స్ ఫ్యామిలీ అనే సీక్వెన్స్ లో ఆమె నటన బాగుంది.

హర్షవర్ధన్, అజయ్ ఘోష్ లాంటి సీనియర్ ఆర్టిస్టులు తమ నటనతో పాత్రల బరువు మోసారు. పాపులర్ యాంకర్ స్రవంతి చొక్కారపు స్క్రీన్ ప్రెజన్స్ తో అలరించింది. డైలాగ్ డెలివరీ విషయంలో మాత్రం ఇంప్రూవ్మెంట్ అవసరం.

సాంకేతికవర్గం పనితీరు: వివేక్ సాగర్ మ్యూజిక్ బాగుంది. ముఖ్యంగా ఇంటర్వెల్ బ్యాంగ్ లో వచ్చే ర్యాప్ సాంగ్ ఆ ట్విస్ట్ ని బాగా ఎలివేట్ చేసింది. మిగతా పాటలు కూడా వినసొంపుగా ఉన్నాయి. నేపథ్య సంగీతంతో కామెడీ, ఎమోషన్ ను బాగా ఎలివేట్ చేశాడు వివేక్.

మహిరెడ్డి సినిమాటోగ్రఫీ వర్క్ డీసెంట్ గా ఉంది. లిమిటెడ్ లొకేషన్స్ లో రిపిటేషన్ లేకుండా షూట్ చేశాడు. ఆర్ట్ & ప్రొడక్షన్ టీమ్స్ వర్క్ బాగుంది. ముఖ్యంగా బిజినెస్ సెటప్ ను చాలా ఆర్గానిక్ గా చూపించారు.

దర్శకుడు గోపి అచ్చార ఎంచుకున్న పాయింట్ ప్రస్తుత తరానికి కొత్తదే. తండ్రి చేస్తున్న పని ఏమిటి అనేది తెలియకుండా పెరిగిన కొడుకు, అనంతరం ఆ పనేంటో తెలుసుకొని అసహ్యం పెంచుకుని, చివరికి అసలు వెల్యూ తెలుసుకుంటాడు. ఇది యాక్చువల్ థీమ్. ఇందులో కామెడీ & ఎమోషన్ ను మిళితం చేసే ప్రయత్నం కొంతమేరకు సఫలీకృతమైంది. అయితే.. అంత ఆసక్తి రేకెత్తించిన బిజినెస్ ఏమిటి అనేది మొదటి రెండు నిమిషాల్లోనే రివీల్ చేయడం అనేది ఇంపాక్ట్ క్రియేట్ చేయలేకపోయింది. ప్రేక్షకుడు ఎందుకొచ్చాడో, అది సీట్లో సర్దుకుని కూర్చునేలోపు రివీల్ చేసేయడం అనేది చిన్నపాటి మైనస్. కనీసం ప్రీఇంటర్వెల్ దాకా అయినా హోల్డ్ చేయాల్సింది. అయితే.. కామెడీ సీక్వెన్సులు మాత్రం బాగా రాసుకున్నాడు. సుదర్శన్ సీన్స్ అన్నీ బాగా పేలాయి.

అలాగే.. నరేష్ తో చేయించిన “ప్యారడైజ్, లెజెండ్, సమరసింహా రెడ్డి” సినిమాల డైలాగ్ స్పూఫ్ కూడా వర్కవుట్ అయ్యింది. అయితే.. ఎమోషన్ & డ్రామా మాత్రం వర్కవుట్ అవ్వలేదు. ఈ సినిమా ఎండింగ్ కి కావాల్సిందే డ్రామా సరిగా వర్కవుట్ అవ్వడం. ముఖ్యంగా సుహాస్-నరేష్ నడుమ డ్రామా అనేది సరిగా ఎస్టాబ్లిష్ అవ్వలేదు, దానికంటూ ఒక ఎమోషనల్ వెల్యూ కూడా లేదు. దాన్ని ఇంకాస్త బాగా రాసుకుని ఉంటే బెటర్ వెల్యూ యాడ్ అయ్యేది. అయినప్పటికీ.. దర్శకుడిగా తొలి చిత్రంతోనే ఇంతమంది ఆర్టిస్టులను, ఒక సెన్సిబిల్ టాపిక్ ని ఎక్కడా అసభ్యతకి తావు లేకుండా చూపించడంలో సఫలీకృతుడయ్యాడు. ముఖ్యంగా లేటెస్ట్ మీమ్స్ అన్నీ సినిమాలో ఇరికించిన విధానం ఎబ్బెట్టుగా లేకపోవడం, వాటికి జనాలు రిలేట్ అవ్వడం మరో ప్లస్ పాయింట్. ఓవరాల్ గా దర్శకుడిగా మొదటి సినిమాతో ఫర్వాలేదనిపించుకున్నాడు గోపి అచ్చార.

విశ్లేషణ: ఒక సెన్సిటివ్ టాపిక్, అది కూడా సమాజం అదేదో బూతులా చూసే టాపిక్ ని టచ్ చేసి హ్యూమర్ జనరేట్ చేయడం అనేది అంత ఈజీ టాస్క్ కాదు. అయితే.. గోపి అచ్చార ఆ విషయంలో కొంతమేరకు మెప్పించగలిగాడు. డ్రామా గనుక ఇంకాస్త బాగా రాసుకొని, వర్కవుట్ చేయించి ఉంటే మాత్రం బాగుండేది. తండ్రీకొడుకుల మధ్య తెలియని ఓ పొర ఏర్పడి, కమ్యూనికేషన్ తగ్గడం అనేది సర్వసాధారణంగా జరిగే విషయం. ఆ పాయింట్ ను పైపైన టచ్ చేశాడు కానీ, ఇంకాస్త లోతుగా ఎస్టాబ్లిష్ చేసి, ఎమోషన్ ను బాగా పండించే స్కోప్ ఉంది.

అలాగే.. హ్యూమర్ అనేది సుదర్శన్, నరేష్ లు క్యారీ చేశారు. అప్పట్లో ఈవీవీ ఈ తరహా కాన్సెప్టులతో ఆడియన్స్ ను అలరించేవారు. ఇప్పుడు గోపి ఆ ఫార్మాట్ లో మంచి తెగువ చూపించాడు. సరిగ్గా ప్లాన్ చేసుకుంటే భవిష్యత్తులో మంచి దర్శకుడిగా ఎదగగలడు. మొత్తానికి.. “హే బలవంత్” అనేది హెవీ ఎక్స్ పెక్టేషన్స్ లేకుండా చూస్తే ఫర్వాలేదు అనిపిస్తూ.. ఓ మోస్తరుగా ఎంటర్టైన్ చేసి, ఎంగేజ్ చేస్తుంది.

ఫోకస్ పాయింట్: అక్కడక్కడా బలవంతపెట్టిన.. ఓవరాల్ గా బాగుంది!

రేటింగ్: 2.5/5

Click Here To Read in ENGLISH