టాలీవుడ్ టాప్ హీరో రవితేజ వరుస ప్రాజెక్ట్స్ తో బిజీగా గడుపుతున్నారు. రీసెంట్ గా ‘రామారావు ఆన్ డ్యూటీ’ సినిమాతో ప్రేక్షకుల ముందుకొచ్చారు ఈ హీరో. ఓ మోస్తరు అంచనాలతో విడుదలైన ఈ సినిమాకి బాక్సాఫీస్ వద్ద మిశ్రమ స్పందన వచ్చింది. కమర్షియల్ గా అయితే ఈ సినిమా వర్కవుట్ కాలేదు. ప్రస్తుతం ఈ హీరో ‘రావణాసుర’ అనే సినిమాలో నటిస్తున్నారు. ‘రావణాసుర’ షూటింగ్ హైదరాబాద్ లో జరుగుతోంది. మొదట ఎలాంటి సెట్స్ వేయకుండా రియల్ లొకేషన్స్ లో సినిమాను చిత్రీకరించాలనుకున్నారు.
అయితే ఇప్పుడు క్లైమాక్స్ కోసం ఓ భారీ సెట్ ను నిర్మించినట్లు తెలుస్తోంది. దీనికోసం రూ.5 కోట్లు ఖర్చు చేశారట. ఈ సెట్ లో భారీ యాక్షన్ సీన్స్ చిత్రీకరిస్తున్నట్లు తెలుస్తోంది. సెప్టెంబర్ 30న ఈ సినిమాను విడుదల చేయడానికి ప్లాన్ చేస్తున్నారు. ఈ సినిమాలో రవితేజ లాయ పాత్రలో కనిపించనున్నారు. కథ ప్రకారం మొత్తం ఐదుగురు హీరోయిన్లు ఈ సినిమాలో నటిస్తున్నారు.
అను ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నగార్కర్, పూజిత పొన్నాడలను హీరోయిన్లుగా తీసుకున్నారు. ఈ ఐదుగురు పాత్రలకు ప్రాముఖ్యత ఉంటుందని చెబుతున్నారు. టాలీవుడ్ యంగ్ హీరో సుశాంత్ ఈ సినిమాలో కీలకపాత్రలో కనిపించనున్నారు. ఈ సినిమాతో పాటు రవితేజ ‘ధమాకా’, ‘టైగర్ నాగేశ్వరరావు’ సినిమాల్లో నటిస్తున్నారు.
వీటిలో ‘టైగర్ నాగేశ్వరావు’ సినిమాను పాన్ ఇండియా లెవెల్ లో రిలీజ్ చేయనున్నారు. ఈ సినిమాపై భారీ అంచనాలు నెలకొన్నాయి. అలానే మెగాస్టార్ నటిస్తోన్న ‘వాల్తేర్ వీరయ్య’ సినిమాలో హీరో తమ్ముడి పాత్రలో కనిపించనున్నారు రవితేజ. వచ్చే ఏడాదిలో ఈ సినిమా ప్రేక్షకుల ముందుకు రానుంది.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
