పెళ్ళంటే జీవితంలో ఒక్కసారి చేసుకునే అద్భుతమైన పండుగ. దాని కోసం ఎంత ఖర్చైనా చేయడానికి సామాన్యులు తమ సంపాదనలో చాలా వరకు దాని కోసం ప్రత్యేకంగా దాచుకుంటూ ఉంటారు. మరి సెలబ్రిటీలు ఈ విషయంలో తగ్గుతారా..!వాళ్ళు ఎక్కువ మందిని పెళ్ళికి ఆహ్వానించపోయినా.. పెళ్లి మాత్రం గ్రాండ్ గా జరుపుకోవాలని కోట్లు కుమ్మరిస్తూ ఉంటారు. డెస్టినేషన్ వెడ్డింగ్ పేరుతో కోట్లు కుమ్మరించుకునే స్టార్ లను మనం చూస్తూనే ఉన్నాం.
ఇటీవల బాలీవుడ్ స్టార్ హీరోయిన్ కియారా- సిద్దార్థ్ లు పెళ్లి చేసుకున్నారు. వీరు తమ పెళ్లి కోసం రూ.5 కోట్ల పైనే ఖర్చు చేసినట్లు వినికిడి. వీరిలాగే ఇంకొంతమంది బాలీవుడ్ స్టార్లు కోట్లు కుమ్మరించి పెళ్లి చేసుకున్నారు. వాళ్ళు ఎవరో ఓ లుక్కేద్దాం రండి :
1) దీపికా పదుకొనే – రణ్ వీర్ సింగ్ :
స్టార్ హీరోయిన్ దీపికా.. స్టార్ హీరో రణ్ వీర్ సింగ్ లు 2018 లో పెళ్లి చేసుకున్నారు. ఇటలీలోని లేక్ కోమోలో వీరి పెళ్లి గ్రాండ్ గా జరిగింది. ఈ జంట తమ పెళ్లి కోసం ఏకంగా రూ.77 కోట్లు ఖర్చు చేశారట.
2) అనుష్క శర్మ – విరాట్ కోహ్లీ :
బాలీవుడ్ స్టార్ హీరోయిన్ అనుష్క శర్మ.. టీం ఇండియా కెప్టెన్ విరాట్ కోహ్లీ(క్రికెటర్)ని 2017లో వివాహం చేసుకున్న సంగతి తెలిసిందే. ఈ జంట తమ పెళ్ళి కోసం ఏకంగా రూ.100 కోట్లు ఖర్చు చేశారు.
3) అలియా భట్ – రణ్ బీర్ కపూర్ :
బాలీవుడ్ లవ్ బర్డ్స్ గా పిలవబడే ఈ జంట.. గతేడాది పెళ్లి చేసుకున్నారు. వీరు తమ పెళ్లి కోసం రూ.10 కోట్లు ఖర్చు చేశారు.
4) విక్కీ కౌశల్ – కత్రీనా కైఫ్ :
2021 లో ఈ జంట పెళ్లి చేసుకున్నారు. రాజస్థాన్‌లోని సవాయ్ మాధోపుర్ లోని ఫోర్ట్ బర్వారాలో పెళ్లి చేసుకున్న ఈ జంట… తమ పెళ్లి కోసం రూ.4 కోట్లు ఖర్చు చేశారు.
5) కియారా అద్వానీ – సిద్దార్థ్ మల్హోత్రా :
ఇటీవల రాజస్థాన్‌లోని జైసల్మీర్‌లో సూర్యఘర్ ప్యాలెస్ లో వీరి పెళ్లి ఘనంగా జరిగింది. వీరి పెళ్ళికి రూ.6 కోట్లు ఖర్చు అయ్యింది. అలాగే ఫిబ్రవరి 12న ముంబైలో రిసెప్షన్ కూడా ఏర్పాటు చేశారు. మరి దానికి ఎంత ఖర్చవుతుంది అనేది చూడాలి..!
