ఫణీంద్ర నార్సెట్టి సినిమా అంటే అతని మార్క్ కచ్చితంగా ఉంటుంది. అది కవితాత్మక భావోద్వేగం కావొచ్చు, కళాత్మకమైన ప్రజంటేషన్ కావచ్చు. అతని దర్శకత్వంలో తెరకెక్కిన తాజా చిత్రం “8 వసంతాలు” కూడా అదే తరహాలో ఉంది. ప్రస్తుత సమాజంలో ఒక అమ్మాయి ఎంత బలంగా ఉండాలి, ఎంత మొండిగా వ్యవహరించాలి అనేది చూపిస్తే.. ఆడపిల్లకు ఉండే చిన్నపాటి బలహీనతలను కూడా శుద్ధి పాత్రతో ప్రెజంట్ చేశాడు ఫణీంద్ర.
“8 వసంతాలు” (8 Vasantalu) టీజర్ టెక్నికల్ గా ఎంత బాగుందో, కంటెంట్ పరంగానూ అంతే ఆకట్టుకుంది. అయితే.. ప్రాసలు మాత్రం కాస్త ఎక్కువయ్యాయనే చెప్పాలి. అనంతిక స్క్రీన్ ప్రెజన్స్ & ఆమె నటన మాత్రం బాగున్నాయి. ఇక హీరోల పాత్రలను పరిచయం చేసిన తీరు కూడా డీసెంట్ గా ఉంది.
అయితే.. మరీ ఇంత కవితాత్మకతకు ప్రస్తుత తరం ప్రేక్షకులు అర్థం చేసుకుంటారా, అర్థం చేసుకుని ఆదరిస్తారా? అనేది మాత్రం పెద్ద ప్రశ్న. ప్రెజెంట్ జనరేషన్ ఆడియన్స్ అందరూ ఈజీ బ్రీజీ కంటెంట్ కి ఎక్కువ కనెక్ట్ అవుతున్నారు. అలాంటి తరుణంలో ఇంతకీ డీప్ ఎమోషన్స్ కి ఎంతలా కనెక్ట్ అవుతారు అనేది చూడాలి. ఎందుకంటే.. ఇదే స్థాయి ఎమోషన్స్ తో తెరకెక్కిన “సప్త సాగరాలు దాటి” సినిమాకి మంచి పేరైతే వచ్చింది కానీ.. చెప్పుకొనే స్థాయి కలెక్షన్స్ రాలేదు.
అందులోనూ ఈ సినిమాపై ఫణీంద్ర మునుపటి చిత్రం “మను” ఎఫెక్ట్ కచ్చితంగా ఉంటుంది. మరి “8 వసంతాలు”తో ఫణీంద్ర కమర్షియల్ సక్సెస్ అందుకుంటాడా? లేదా? అనేది చూడాలి. ఇకపోతే.. ఈ చిత్రం “కుబేరా”తో పోటీగా విడుదలవుతుండడం మరో పెద్ద అడ్డంకి అని చెప్పాలి. నాగార్జున, ధనుష్, రష్మిక వంటి క్యాస్టింగ్ ఉన్న సినిమాతో పోటీ అంటే నిలదొక్కుకోవడం కష్టమే. “8 వసంతాలు” కంటెంట్ పరంగా ఎంతో అద్భుతంగా ఉంటే కానీ ఆడియన్స్ ను ఆకట్టుకోలేదు. చూద్దాం మరి జూన్ 20న ఏం జరుగుతుందో.
Home