మరోసారి ‘అ..ఆ’ వాయిదా..?

మాటల మాంత్రికుడు త్రివిక్రమ్ దర్శకత్వంలో నితిన్, సమంతలు జంటగా నటిస్తున్న చిత్రం ‘అ..ఆ’. ప్రస్తుతం పోస్ట్ ప్రొడక్షన్ వర్క్స్ జరుపుకుంటున్న ఈ చిత్రం మే 13 న విడుదల చేయాలనుకున్నప్పటికీ.. మరోసారి వాయిదా పడిందని అంటున్నారు. ‘ ఎవరూ కావాలని అనుకోరు. అనుకున్న సమయానికి ఈ చిత్రాన్ని విడుదల చేయలేకపోవచ్చు.

మే 27 వ తేదీని పరిశీలిస్తున్నాం. థియేటర్లు అందుబాటును బట్టి ఈ చిత్రాన్ని మే లో విడుదల చేయాలా లేక జూన్ కు వాయిదా వెయ్యాలా అనేది త్వరలోనే నిర్ణయం తీసుకుంటామ’ని చిత్ర నిర్మాణ సంస్థకు చెందిన సన్నిహిత వర్గాలు వెల్లడించాయి. హారిక అండ్ హాసిని క్రియేషన్స్ పతాకం పై రాధా కృష్ణ ఈ చిత్రాన్ని నిర్మిస్తున్నారు. మిక్కిజే మేయర్ ఈ చిత్రానికి స్వరాలు అందిస్తుండగా.. ఇటీవలే వాటిని విడుదల చేశారు.