మహేష్ బాబుని అభినందించిన మురుగదాస్

టాలీవుడ్, కోలీవుడ్ రెండు పరిశ్రమలవారు ఆసక్తిగా ఎదురు చూస్తున్న సినిమా స్పైడర్. ఏకకాలంలో తెలుగు, తమిళ భాషల్లో తెరకెక్కుతోన్న మూవీపై భారీ అంచనాలున్నాయి. కారణం సూపర్ స్టార్ మహేష్ బాబు, స్టార్ డైరక్టర్ మురుగదాస్. వీరి కలయికలో వస్తున్న మొదటి సినిమా, పైగా భారీ బడ్జెట్ తో కూడుకున్న మూవీ కావడంతో దీనిపై క్రేజ్ ఏర్పడింది. రీసెంట్ గా విడుదలయిన టీజర్ అంచనాలను పెంచేసింది. ఆలస్యం అవుతుందనే అభిమానులను బాధను ఈ టీజర్ పోగొట్టుతోంది. తాజగా ఈ చిత్రం గురించి మురుగదాస్ అప్డేట్ ఇచ్చారు. “ఇప్పటికే దాదాపుగా స్పైడర్ షూటింగ్ పూర్తి అయ్యింది. మరో 10 రోజుల షూటింగ్ మిగిలి ఉంది. రెండు పాటలు షూట్ చేయాలి” అని ట్విట్టర్లో వెల్లడించారు.

అంతేకాదు పోస్ట్  ప్రొడక్షన్ పనులు కూడా మొదలయ్యాయని, దసరాకి తప్పకుండా రిలీజ్ అవుతుందని స్పష్టం చేశారు. ఇక మహేశ్ బాబు గురించి మాట్లాడుతూ “మహేశ్ బాబు డెడికేషన్ ఉన్న నటుడు. డైరెక్టర్ చెప్పినట్లు వినే బెస్ట్ స్టూడెంట్. ఆయనతో పని చేసినప్పుడు ఒక సూపర్ స్టార్ తో చేస్తున్న భావనే రాకుండా చూసుకున్నారు. వినయం, కలుపుగోలుతనం, అతని నిరాడంబరం నాకు బాగా నచ్చిన విషయాలు. నాతోనే కాదు సెట్ లో ఉన్న అందరితోనూ అతను అలానే ఉంటాడు” అని ట్వీట్ చేశారు.

Also, do SUBSCRIBE to our YouTube channel to get latest Tollywood updates.