Vijay Sethupathi: ఏ నటుడికి సాధ్యం కానీ రికార్డుని సొంతం చేసుకున్నాడు..!

June 18, 2021 / 06:39 PM ISTByFilmy Focus

Join Us

Vijay Sethupathi: ఏ నటుడికి సాధ్యం కానీ రికార్డుని సొంతం చేసుకున్నాడు..!

కరోనా కారణంగా ఏర్పడిన లాక్ డౌన్ వల్ల సినీ పరిశ్రమ చాలా దెబ్బతింది. అర్ధాంతరంగా షూటింగ్ లు ఆగిపోవడంతో.. హీరోలు కొత్త సినిమాలకు కమిట్ అవ్వడానికి దైర్యం చేయడం లేదు. ప్రస్తుతం స్టార్ హీరోలు రెండేళ్లుగా ఒక సినిమాని కంప్లీట్ చేయడానికే కిందా మీదా పడుతున్నారు. మీడియం రేంజ్ హీరోలైతే 2 లేదా 3 సినిమాల్లో నటిస్తున్నారు. ఇక చిన్న హీరోలు కూడా 4 సినిమాలకు మించి చేయలేకపోతున్నారు. అంత వరకు ఎందుకు క్యారెక్టర్ ఆర్టిస్ట్ లే 7 ప్రాజెక్టులకు మించి చేయలేకపోతున్నట్టు తెలుస్తుంది.

ఈ నేపథ్యంలో 10 సినిమాల్లో నటిస్తేనే పెద్ద రికార్డ్ గా చెప్పుకోవాలి. అలాంటిది మన విజయ్ సేతుపతి ఏకంగా 25 ప్రాజెక్టులతో బిజీగా గడుపుతున్నాడట. వినడానికే షాకింగ్ గా ఉంది కాదు. ఇప్పుడు తమిళ్ తో పాటు తెలుగు,హిందీ భాషల్లో కూడా వరుస సినిమాల్లో నటిస్తున్నాడు విజయ్ సేతుపతి. హీరో,విలన్, క్యారెక్టర్ ఆర్టిస్ట్ గా ఇలా 10 సినిమాలకు పైనే అతను నటిస్తున్నట్టు తెలుస్తుంది. మరికొన్ని ప్రాజెక్టులు ప్రీ ప్రొడక్షన్ దశలో ఉన్నాయట.

అంతేకాకుండా వెబ్ సిరీస్ లలో కూడా నటిస్తున్నాడు విజయ్ సేతుపతి.మరో పక్క టీవీ షో లు, వెబ్ షో లు కూడా చేస్తున్నాడట. ఇంకా కొన్ని ప్రాజెక్టులకు రైటర్ గా కూడా వ్యవహరిస్తున్నారని తెలుస్తుంది. ఇలా మొత్తంగా కలుపుకుని అతను 25 ప్రాజెక్టులు చేస్తున్నట్లు తెలుస్తోంది. ఇండియాలోనే ఇదొక కొత్త రికార్డ్ అని స్పష్టమవుతుంది.