Hero Nani: నాని ఖాతాలో ఉన్న ఈ రికార్డ్ గురించి తెలుసా?

February 24, 2022 / 10:03 PM ISTByFilmy Focus

Join Us

Hero Nani: నాని ఖాతాలో ఉన్న ఈ రికార్డ్ గురించి తెలుసా?

న్యాచురల్ స్టార్ నానికి తెలుగు రాష్ట్రాలతో పాటు ఇతర రాష్ట్రాల్లో కూడా అభిమానులు ఉన్నారు. నాని తన సినీ కెరీర్ లో ఎన్నో విజయాలను సొంతం చేసుకోవడంతో పాటు మిడిల్ రేంజ్ హీరోలలో ఈ హీరో నంబర్ 1 స్థానంలో ఉన్నారు. వరుస ఫ్లాపులతో కెరీర్ పరంగా ఒడిదొడుకులు ఎదురైన సమయంలో సక్సెస్ సాధించి ఈ టాలీవుడ్ హీరో సత్తా చాటుతున్నారు. ఈ హీరో నటించిన అంటే సుందరానికి జూన్ నెల 10వ తేదీన రిలీజ్ కానుంది.

Click Here To Watch

తాజాగా అంటే సుందరానికి టీజర్ రిలీజ్ కాగా ఈ టీజర్ కు ప్రేక్షకుల నుంచి పాజిటివ్ రెస్పాన్స్ వచ్చింది. అష్టాచమ్మా సినిమాతో నాని హీరోగా కెరీర్ ను మొదలుపెట్టారు. తొలి సినిమాతోనే బ్లాక్ బస్టర్ హిట్ అందుకున్న నాని ఈగ సినిమాతో మంచి గుర్తింపును సంపాదించుకున్నారు. ఈ సినిమాలో నాని కనిపించేది 30 నిమిషాలే అయినా తన యాక్టింగ్ తో ప్రేక్షకులు ఫిదా అయ్యేలా చేశారు. అయితే రాజమౌళితో సినిమా చేస్తే తర్వాత సినిమాలు ఫ్లాప్ అవుతాయని ఇండస్ట్రీలో ఒక సెంటిమెంట్ ఉంది.

ఆ సెంటిమెంట్ ప్రకారం నాని నటించిన సినిమాలు కూడా ఈగ తర్వాత వరుసగా ఫ్లాప్ అయ్యాయి. అయితే భలేభలే మగాడివోయ్ సినిమాతో నాని సక్సెస్ ట్రాక్ లోకి వచ్చారు. ఈ సినిమాతో పాటు వరుసగా మరో 7 సినిమాలతో నాని విజయాలను అందుకున్నారు. వరుసగా 8 హిట్లను సాధించి ఈ హీరో రేర్ రికార్డును సాధించారు. ఈ జనరేషన్ హీరోలలో మరే హీరోకు లేని రికార్డు నానికి ఉండటం గమనార్హం. నాని కెరీర్ పరంగా మరిన్ని ఆఫర్లతో బిజీ కావాలని అభిమానులు కోరుకుంటున్నారు.

గతేడాది శ్యామ్ సింగరాయ్ సినిమాతో నాని మరో సక్సెస్ ను ఖాతాలో వేసుకున్నారు. బిగ్ బాస్ షో సీజన్2 కు నాని హోస్ట్ గా వ్యవహరించారు. ఆ సమయంలో తన గురించి తీవ్రస్థాయిలో ట్రోలింగ్ జరగడంతో నాని సీజన్2 తర్వాత బిగ్ బాస్ కు దూరంగా ఉన్నారు.