సాయితేజ్ (Sai Dharam Tej) హీరోగా కొత్త దర్శకుడు రోహిత్ డైరెక్షన్ లో తెరకెక్కుతున్న సినిమాపై భారీ స్థాయిలో అంచనాలు నెలకొన్నాయి. ఇప్పటికే ఈ సినిమా 100 కోట్ల రూపాయలకు పైగా అత్యంత భారీ బడ్జెట్ తో తెరకెక్కనుందని వార్తలు ప్రచారంలోకి వచ్చాయి. హనుమాన్ (Hanu Man) నిర్మాత నిరంజన్ రెడ్డి ఈ సినిమాను నిర్మించనుండగా ఈ సినిమాకు “సంబరాల ఏటిగట్టు” అనే టైటిల్ ను ఫిక్స్ చేశారని తెలుస్తోంది. పీరియాడికల్ బ్యాక్ డ్రాప్ లో భారీ యాక్షన్ డ్రామాగా ఈ సినిమా తెరకెక్కుతుండగా ఈ సినిమా విరూపాక్ష (Virupaksha) సినిమాను మించిన హిట్ అవుతుందని ఫ్యాన్స్ భావిస్తున్నారు.
సీమ బ్యాక్ డ్రాప్ లో ఈ సినిమా తెరకెక్కుతుండటం గమనార్హం. ఈ నెలలోనే ఈ సినిమాకు సంబంధించిన పూజా కార్యక్రమాలు జరుగుతాయని గతంలో వార్తలు వినిపించగా ఆ వార్తల్లో నిజానిజాలు తెలియాల్సి ఉంది. ఈ సినిమాలో నటించే హీరోయిన్, ఇతర వివరాలు తెలియాల్సి ఉంది. నిర్మాత నిరంజన్ రెడ్డికి హనుమాన్ మూవీ మంచి లాభాలను అందించడంతో టాలెంట్ ఉన్న దర్శకులను ప్రోత్సహించే దిశగా ఆయన అడుగులు వేస్తున్నారని తెలుస్తోంది.
ప్రతిభ ఉన్న దర్శకులతో భారీ బడ్జెట్ తో సినిమాలను నిర్మిస్తే ఆ దర్శకులు బాక్సాఫీస్ వద్ద అద్భుతాలు చేసే అవకాశాలు కూడా ఉంటాయి. వరుస విజయాలతో సాయితేజ్ మార్కెట్ కూడా పెరిగిందని తెలుస్తోంది. ఈ జనరేషన్ ప్రేక్షకులను మెప్పించే కథలపై సాయితేజ్ ప్రధానంగా దృష్టి పెట్టారని సమాచారం అందుతోంది.
సాయితేజ్ రోహిత్ కాంబో మూవీ 2025లో థియేటర్లలో విడుదల కానుంది. పాన్ ఇండియా మూవీగా ఈ సినిమాను మేకర్స్ రిలీజ్ చేయనున్నారని తెలుస్తోంది. అతి త్వరలో ఈ సినిమాకు సంబంధించి మరిన్ని క్రేజీ అప్ డేట్స్ వచ్చే అవకాశాలు అయితే ఉన్నాయి. మెగా యంగ్ హీరోలలో నంబర్ వన్ గా నిలిచేలా సాయితేజ్ కెరీర్ ప్లానింగ్ ఉందని ఫ్యాన్స్ చెబుతున్నారు.
