విక్టరీ వెంకటేష్ హీరోగా మాటల మాంత్రికుడు త్రివిక్రమ్ దర్శకత్వంలో ‘ఆదర్శ కుటుంబం'(Aadarsha Kutumbam AK 47) అనే సినిమా తెరకెక్కుతున్న సంగతి తెలిసిందే. ‘హారిక అండ్ హాసిని క్రియెషన్స్’ బ్యానర్ పై సూర్యదేవర రాధాకృష్ణ(చినబాబు) ఈ చిత్రాన్ని నిర్మిస్తున్నారు. వెంకటేష్ కి జోడీగా కేజీఎఫ్ బ్యూటీ శ్రీనిథి శెట్టి హీరోయిన్ గా నటిస్తుంది. ఫస్ట్ లుక్ పోస్టర్ తోనే అందరి దృష్టిని ఆకర్షించింది ఈ సినిమా. ఎందుకంటే ఫస్ట్ లుక్ పోస్టర్ చూసినప్పుడు.. ‘ఇదేదో క్రైమ్ కామెడీ జోనర్ మూవీ అయ్యుంటుంది’ అనే ఫీలింగ్ కలిగించింది.
అందుకే ‘ఆదర్శ కుటుంబం’ పై ప్రత్యేక దృష్టి పెట్టారు ఆడియన్స్. అక్టోబర్ 2న ఈ సినిమా రిలీజ్ కానుంది. ఇదిలా ఉండగా.. తాజాగా వెంకటేష్ పాత్రని పరిచయం చేస్తున్న చిన్న గ్లింప్స్ వదిలారు. వెంకటేష్ పాత్ర పేరు చిట్టిబాబు అని రివీల్ చేశారు. అతన్ని ఓ ఫ్యామిలీమెన్ గా పరిచయం చేస్తూనే.. ఇంట్లో తన భార్య చేసే పనులన్నీ చేసేవాడని తెలుపుతూ సినిమాలో ఎలాంటి హ్యూమర్ ఉండబోతుందో చెప్పకనే చెప్పారు.
ఆ వెంటనే ఈ సినిమాలో పవర్ఫుల్ రోల్ ప్లే చేస్తున్న నారా రోహిత్ తో ‘ఆదర్శ కుటుంబం’ అంటూ చెప్పించారు. అటు తర్వాత ట్రైన్లో పారిపోతున్న చిట్టిబాబు ఫ్యామిలీని గమనించవచ్చు. వాళ్ళ మొహాలపై గాయాలు చూస్తుంటే.. ఏదో మర్డర్ చేసి ఊరు వదిలి వెళ్లిపోతున్నట్టు అనిపిస్తుంది. ఈ గ్లింప్స్ ను బట్టి చూస్తే.. దర్శకుడు త్రివిక్రమ్ చాలా వరకు అనిల్ రావిపూడి స్టైల్ ని ఫాలో అయినట్టు అనిపిస్తుంది. సినిమాలో త్రివిక్రమ్ మాటల మ్యాజిక్ ఉంటే బాక్సాఫీస్ వద్ద గట్టెక్కేయడం ఖాయం.
