Aadarsha Kutumbam: రిలీజ్ డేట్ రూమర్స్ కి టీజర్ తో చెక్ పెట్టినట్టేగా

వెంకటేష్- త్రివిక్రమ్ కలయికలో రూపొందుతున్న ‘ఆదర్శ కుటుంబం'(Aadarsha Kutumbam) సినిమా కోసం ఫ్యాన్స్ తో పాటు ఫ్యామిలీ ఆడియన్స్ అంతా ఎంతో ఆసక్తిగా ఎదురుచూస్తున్నారు. అక్టోబర్ 2న ఈ సినిమా రిలీజ్ అవుతున్నట్టు ప్రకటించారు. కానీ వాయిదా పడినట్టు కొద్దిరోజుల నుండీ ప్రచారం జరుగుగుతుంది. మేకర్స్ అయితే ఆ రూమర్స్ పై వెంటనే స్పందించలేదు. సాధారణంగా త్రివిక్రమ్ సినిమాలకి సంబంధించిన అప్డేట్స్ అన్నీ నాగవంశీ రివీల్ చేస్తుంటారు.

Aadarsha Kutumbam

అయితే ‘ఎపిక్’ సినిమా ప్రమోషన్స్ లో కూడా ఆయన ‘ఆదర్శ కుటుంబం..’ రిలీజ్ డేట్ గురించి క్లారిటీ ఇచ్చింది లేదు. అయితే ఈరోజు టీజర్ వదిలారు. 2 నిమిషాల 4 సెకన్ల నిడివి కలిగిన టీజర్ ఇది. ‘డబ్బుకి సబ్బుకి ఒక పోలిక ఉంది, మొదటిది చూస్తుండగానే కరిగిపోద్ది, రెండోది ఆలోచించేలోపే అరిగిపోద్ది’ అనే త్రివిక్రమ్ మార్క్ డైలాగ్ తో టీజర్ మొదలైంది. ఆ తర్వాత వెంకటేష్ ఫ్యామిలీని ఒక టిపికల్ మిడిల్ క్లాస్ ఫ్యామిలీగా చూపించారు.

వెంకటేష్ భార్య(శ్రీనిధి శెట్టి) విచ్చల విడిగా అప్పులు చేయడం. వాటిని తీర్చేందుకు హీరో వెంకీ కష్టపడటం, అప్పుల వాళ్ళతో మాటలు పడుతున్నట్టు చెప్పడం వంటి సన్నివేశాలు చూడొచ్చు. అటు తర్వాత హీరో ఉద్యోగం పోయినట్టు, స్ట్రైక్ జరిగినట్టు చూపించారు. ఆ వెంటనే హీరోకి లాటరీలో జాక్ పాట్ కొట్టి.. భారీగా డబ్బులు లభించినట్టు విజువల్స్ కనిపిస్తున్నాయి. ఈ క్రమంలో ఓ లగ్జరీ ఇంట్లోకి మారడం చూపించారు.

అయితే ఆ ఇంటి వల్ల హీరో ఫ్యామిలీకి సమస్యలు తలెత్తుతాయని స్పష్టమవుతుంది. అందులో భాగంగా పోలీస్ స్టేషన్ల చుట్టూ తిరగడం, విలన్ గ్యాంగ్ తో ఫ్యామిలీ అంతా ఫైట్లు వంటివి చేయడం చూపించారు. ఆల్మోస్ట్ కథ ఇలాగే ఉండబోతుంది అనిపిస్తుంది. ఆ విషయాలు పక్కన పెట్టేస్తే.. టీజర్ చివర్లో రిలీజ్ డేట్ అక్టోబర్ 2 అని వేశారు. సొ సినిమా వాయిదా పడే ప్రసక్తే లేదు అని దర్శకనిర్మాతలు స్పష్టం చేశారునుకోవాలి. చూద్దాం ఫైనల్ గా ఏం జరుగుతుందో. మీరైతే టీజర్ ను ఓ లుక్కేయండి :