Kajal,Sonu Sood: వాళ్లిద్దరికీ ఆచార్య అన్యాయం చేస్తున్నాడా?

April 24, 2022 / 06:29 PM ISTByFilmy Focus

Join Us

Kajal,Sonu Sood: వాళ్లిద్దరికీ ఆచార్య అన్యాయం చేస్తున్నాడా?

కొరటాల శివ డైరెక్షన్ లో చిరంజీవి, చరణ్ హీరోలుగా భారీ బడ్జెట్ తో తెరకెక్కిన ఆచార్య సినిమాలో చిరంజీవికి జోడీగా కాజల్ నటించారు. మొదట ఈ పాత్రకు త్రిష ఎంపిక కాగా కొన్ని కారణాల వల్ల త్రిష ఈ సినిమా నుంచి తప్పుకోవడంతో కాజల్ ఈ సినిమాకు ఎంపిక కావడం ఈ సినిమాలో నటించడం జరిగాయి. ఈ సినిమాలో మరో హీరోయిన్ గా పూజా హెగ్డే నటించినా పూజా హెగ్డే పాత్ర పరిమితమనే సంగతి తెలిసిందే.

Click Here To Watch NOW

అయితే ఆచార్య మేకర్స్ కాజల్ కు ట్రైలర్ లో అస్సలు ప్రాధాన్యత ఇవ్వలేదు. ఆచార్య సినిమాలో కాజల్ కు సంబంధించిన సన్నివేశాలను కట్ చేశారని ప్రచారం జరుగుతుండగా సినిమా విడుదలైతే మాత్రమే కాజల్ కు ఈ సినిమాలో ఏ మేరకు ప్రాధాన్యత ఉందో క్లారిటీ వచ్చే ఛాన్స్ ఉంది. తాజాగా ఈ సినిమా ప్రీ రిలీజ్ ఈవెంట్ గ్రాండ్ గా జరగగా ఈ ఈవెంట్ లో పాల్గొన్న సెలబ్రిటీలు కాజల్ పేరును ప్రస్తావించకపోవడం గమనార్హం.

మరోవైపు ఈ సినిమాలో సోనూసూద్ విలన్ పాత్రలో నటించిన సంగతి తెలిసిందే. ఆచార్య ట్రైలర్ లో సోనూసూద్ కు కొంతమేర ప్రాధాన్యత దక్కింది. అయితే ప్రీ రిలీజ్ ఈవెంట్ లో సోనూసూద్ పేరును కూడా ఎవరూ ప్రస్తావించలేదు. కాజల్, సోనూసూద్ లకు ఒక విధంగా ఆచార్య మేకర్స్ అన్యాయం చేస్తున్నారని చెప్పాలి. మరోవైపు యూఎస్ లో ఈ సినిమాకు ఇప్పటికే అడ్వాన్స్ బుకింగ్స్ మొదలయ్యాయి.

ఆర్ఆర్ఆర్, కేజీఎఫ్2 సినిమాల బుకింగ్స్ స్థాయిలో ఈ సినిమా బుకింగ్స్ లేకపోవడం గమనార్హం. తెలుగు రాష్ట్రాల్లో మాత్రం ఈ సినిమా సంచలన రికార్డులను క్రియేట్ చేస్తుందని అభిమానులు భావిస్తున్నారు. ఆచార్య సినిమాకు తెలుగు రాష్ట్రాలలో టికెట్ రేట్ల పెంపుకు అనుమతులు లభిస్తాయో లేదో చూడాల్సి ఉంది. సాధారణ టికెట్ రేట్లతో విడుదలైతే మాత్రం ఈ సినిమా మేకర్స్ కోట్ల రూపాయలు నష్టపోయే ఛాన్స్ అయితే ఉంది.