దర్శకధీరుడు రాజమౌళి ప్రతిభ గురించి ప్రేక్షకులకు ప్రత్యేకంగా చెప్పాల్సిన అవసరం లేదు. సినిమాలో తొలి సీన్ నుంచి చివరి సీన్ వరకు అద్భుతంగా ఉండేలా జక్కన్న జాగ్రత్తలు తీసుకుంటారు. తన సినిమాల ద్వారా రాజమౌళి ఎంతోమంది కొత్త నటులను పరిచయం చేయడంతో పాటు ప్రతిభ ఉన్న ఎంతోమంది నటులకు అవకాశాలను ఇచ్చి రాజమౌళి ప్రోత్సహించడం గమనార్హం. ప్రముఖ నటుడు నాగినీడు అలీతో సరదాగా షోలో మాట్లాడుతూ మర్యాదరామన్న సినిమాను తాను రిలీజైన తర్వాత చూశానని ఆ సినిమా విజయానికి రాజమౌళి గారు కారణమని చెప్పారు.
నేను ఆ సినిమా విజయానికి కారణమని ఆడియన్స్ భావించవచ్చని అయితే తాను మాత్రం దర్శకుడే కారణమని అంటానని నాగినీడు అన్నారు. గ్రాఫిక్స్ లేకుండానే అద్భుతమైన స్క్రీన్ ప్లేతో రాజమౌళి మర్యాదరామన్న సినిమాను నడిపించారని నాగినీడు పేర్కొన్నారు. లక్ బాగుండి ఆ సినిమాలో తనకు ఛాన్స్ దక్కిందని జక్కన్న రాయితో కూడా యాక్ట్ చేయించగలరని నాగినీడు తెలిపారు. అంత ప్రతిభ ఉన్న దర్శకుడు రాజమౌళి అని నాగినీడు చెప్పుకొచ్చారు. మర్యాద రామన్న సినిమాలోని పాత్రలా తన ఒరిజినల్ క్యారెక్టర్ ఉంటుందని నాగినీడు పేర్కొన్నారు.
ఇతరులను తన పాత్రలోని విమర్శలను చెప్పమని అడుగుతానని విమర్శలు తనను తాను సరి చేసుకోవడానికి ఉపయోగపడతాయని నాగినీడు కామెంట్లు చేశారు. మర్యాద రామన్న సినిమా తర్వాత మిర్చి తనకు మంచిపేరు తెచ్చిపెట్టిందని నాగినీడు తెలిపారు. మిర్చి సినిమా కాలేజ్ సీన్ లో తాను ఇచ్చిన ఎక్స్ ప్రెషన్లు బాగున్నాయని ప్రభాస్ ప్రశంసించారని నాగినీడు కామెంట్లు చేశారు.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
Home