యూత్ స్టార్ నితిన్ కు ఓ ప్రత్యేకత ఉంది. దాదాపు 12 ప్లాపులు వచ్చినా సరే తట్టుకుని నిలబడి మరీ హిట్టు కొట్టగలడు. సాధారణంగా అన్ని ప్లాపులొస్తే స్టార్ హీరోలు సైతం దుకాణం సర్దేస్తుంటారు.మరికొంత మంది సెకండ్ హీరోగానో… క్యారెక్టర్ ఆర్టిస్ట్ గానో, లేక నెగటివ్ రోల్స్ వేస్తూ కెరీర్ ను కొనసాగిస్తారు. కానీ నితిన్ మాత్రం అలాంటి క్లిష్టమైన పరిస్థితిలో కూడా హిట్టు కొట్టి నిలబడ్డాడు. దీనికి ముఖ్య కారణం తను పవర్ స్టార్ పవన్ కళ్యాణ్ కు వీరాభిమాని అవ్వడమే అని ప్రత్యేకంగా చెప్పనక్కర్లేదు.
పవన్ కళ్యాణ్ కు సంబందించిన ప్రతి విషయంలోనూ నితిన్ ఇన్వాల్వ్ అవుతూ ఉంటాడనే టాక్ కూడా ఉంది. ఇక పవన్ కూడా నితిన్ సినిమా వేడుకలకి హాజరవుతూ ఉంటాడు. ఇక అసలు విషయానికి వస్తే… తాజాగా నితిన్ పాలిటిక్స్ పరంగా కూడా పవన్ కు మద్దతు ఇస్తున్నాడట. ‘జనసేన’ పార్టీ కోసం ఈ హీరో భారీ విరాళాన్ని అందించాడని సమాచారం. దాదాపు 25 లక్షల రూపాయలు పార్టీ ఫండ్ గా నితిన్ ఇచ్చాడట. ఇలా పవన్ పై మరోసారి తన అభిమానాన్ని చాటుకున్నాడు నితిన్.
