సినీ పరిశ్రమలో మరో విషాదం.. చిన్న వయసులోనే నటుడు మృతి

సినీ పరిశ్రమలో విషాదాల సంఖ్య పెరుగుతూనే ఉంది. ఇటీవల కాలంలో చాలా మంది సినీ ప్రముఖులు మరణించడం జరిగింది. కొందరు అనారోగ్య సమస్యలతో, ఇంకొందరు వయసు సంబంధిత సమస్యలతో మరణించారు. మరికొంతమంది అయితే గుండెపోటుతో మరణించారు. అది కూడా చిన్న వయసులోనే. ఈ లిస్ట్ లో పునీత్ రాజ్ కుమార్, తారకరత్న వంటి వారు ఉన్నారు. తాజాగా మరో నటుడు, దర్శకుడు కూడా గుండెపోటుతో మరణించారు. వివరాల్లోకి వెళితే.. ప్రముఖ కన్నడ నటుడు నితిన్ గోపి గుండె పోటుతో కన్నుమూశారు.

ఈయన (Actor) వయస్సు 39 సంవ్సరాలే కావడం విషాదకరం. .నితిన్ చైల్డ్ ఆర్టిస్ట్ గా లెజెండరీ నటుడు డాక్టర్ విష్ణువర్ధన్‌తో కలిసి హలో డాడీ సినిమాలో నటించారు.అందులో విష్ణువర్ధన్ కొడుకు పాత్రలో నటించి బాగా పాపులర్ అయ్యారు. అవివాహితుడైన నితిన్.. తన తల్లిదండ్రులతో కలిసి బెంగళూరులోని ఇత్తమాడులోని ఓ అపార్ట్ మెంట్‌లో నివసిస్తూ వచ్చారు. శుక్రవారం నాడు ఆయనకు ఛాతిలో నొప్పి రావడంతో ఆసుపత్రిలో చేరిన ఆయన తిరిగిరాని లోకాలకు వెళ్లిపోయారు.

ముత్తినంత హెంతి, కేరళి ద కేసరి, నిశ్శబ్ధ, చిర బాంధవ్య వంటి చిత్రాల్లో, అలాగే సీరియల్స్‌లో ఆయన నటించారు. దర్శకుడిగా కూడా ఆయన సినిమాలు చేశారు. చిన్న వయస్సులోనే ఆయన మరణించడంతో కన్నడ చిత్ర సీమలో విషాద ఛాయలు అలుముకున్నాయి. ఆయన కుటుంబ సభ్యులు తీవ్ర దిగ్భ్రాంతికి గురయ్యారు. నితిన్ ఆత్మకి శాంతి చేకూరాలని ఆశిస్తూ సినీ ప్రముఖులు తమ సంతాపాన్ని తెలియజేస్తున్నారు

మేమ్ ఫేమస్ సినిమా రివ్యూ & రేటింగ్!
సత్తిగాని రెండెకరాలు సినిమా రివ్యూ & రేటింగ్!

మళ్ళీ పెళ్లి సినిమా రివ్యూ & రేటింగ్!
‘డాడీ’ తో పాటు చిరు – శరత్ కుమార్ కలిసి నటించిన సినిమాల లిస్ట్..!