సీరియళ్లలో, సినిమాలలో నటించి బుల్లితెరపై, వెండితెరపై సమీర్ పాపులారిటీని సంపాదించుకున్నారనే సంగతి తెలిసిందే. బిగ్ బాస్ సీజన్1లో పాల్గొనడంతో సమీర్ కు క్రేజ్ మరింత పెరిగింది. అయితే సమీర్ సీరియళ్ల నుంచి సినిమాలపై దృష్టి పెట్టడం వెనుక ఒక ముఖ్యమైన కారణమే ఉంది. సమీర్ మొదట తెలుగులోని ప్రముఖ ఎంటర్టైన్మెంట్ ఛానెల్ లో వరుసగా సీరియళ్లలో నటించేవారు. అయితే ఆ ఛానల్ యాజమాన్యం కొన్ని కారణాల వల్ల సమీర్ ను బయటకు పంపించింది.
చాలా సంవత్సరాల క్రితం ఈ ఘటన చోటు చేసుకోగా సమీర్ తప్పుకోవడం గురించి అప్పట్లో జోరుగా చర్చ జరిగింది. తన గురించి తప్పుగా జరిగిన ప్రచారం గురించి తాజాగా ఒక యూట్యూబ్ ఛానల్ కు ఇచ్చిన ఇంటర్వ్యూలో సమీర్ స్పందించారు. ఒక సీరియల్ హీరోయిన్ తో తాను ఎఫైర్ పెట్టుకున్నానని తన గురించి ప్రచారం చేశారని ఆయన అన్నారు. సెట్ లోనే తప్పుగా ప్రవర్తిస్తున్నానని కొంతమంది చేసిన కామెంట్ల వల్ల తనను సీరియల్ నుంచి తప్పించారని సమీర్ చెప్పుకొచ్చారు.
ఆ తర్వాత నాకు సీరియల్ కు సంబంధించి రావాల్సిన చెక్కులు కూడా ఆగిపోయాయని సమీర్ కామెంట్లు చేశారు. ఆ సమయంలో ఈఎంఐలు కట్టే విషయంలో, అద్దెలు కట్టే విషయంలో నాకు ఇబ్బందులు ఎదురయ్యాయని సమీర్ చెప్పుకొచ్చారు. ఆ తర్వాత అసలు విషయం తెలిసి తనను తొలగించిన వాళ్లు క్షమాపణలు చెప్పారని సమీర్ అన్నారు. అయితే అప్పటికే నా మనస్సు విరిగిపోవడంతో పాటు నాకు జరగాల్సిన నష్టం జరిగిందని సమీర్ తెలిపారు.
సమీర్ చేసిన కామెంట్లు సోషల్ మీడియాలో వైరల్ అవుతున్నాయి. ప్రస్తుతం సమీర్ పరిమితంగా సినిమాల్లో నటిస్తున్న సంగతి తెలిసిందే. సాధారణంగా సీరియళ్ల నుంచి సినిమాల్లోకి వచ్చిన వాళ్లలో తక్కువమంది సక్సెస్ అయ్యారు. అలా సక్సెస్ అయిన వాళ్లలో సమీర్ కూడా ఒకరని చెప్పవచ్చు. క్యారెక్టర్ ఆర్టిస్ట్ గా సమీర్ ప్రస్తుతం కెరీర్ ను కొనసాగిస్తున్నారు.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home