Samuthirakani: నటుడు సముద్రఖనికి బర్త్ డే విషెస్ చెప్పిన పవన్.. ఎమోషనల్ రిప్లై ఇచ్చిన నటుడు

పవన్ కళ్యాణ్ ప్రస్తుతం వరుస సినిమా షూటింగ్ లతో బిజీగా ఉన్నాడు. ఎలక్షన్స్ దగ్గరపడుతుండటంతో సినిమాలు పూర్తి చేసి ప్రచారం కోసం పూర్తి సమయాన్ని కేటాయించాలని ప్లాన్ చేస్తున్నాడు. ఇక ప్రస్తుతం నటుడు, దర్శకుడు సముద్రఖని దర్శకత్వంలో పవన్ కళ్యాణ్ హీరోగా వినోదయ సిత్తం రీమేక్ ని పూర్తి చేశారు. పీపుల్స్ మీడియా ఫ్యాక్టరీ సంస్థ నిర్మిస్తున్న ఈ చిత్రం జూలై 28న రిలీజ్ చేయటానికి సన్నాహాలు చేస్తున్నారు. ప్రస్తుతం ఈ సినిమా పోస్టు ప్రొడక్షన్ పనులు జరుపుకుంటోంది.

ఇదిలా ఉండగా తాజాగా (Samuthirakani) సముద్రఖని పుట్టిన రోజు సందర్భంగా పవన్ కళ్యాణ్ నటుడు సముద్రఖనికి శుభాకాంక్షలు తెలియజేశారు. ఈ మేరకు తన దర్శకుడికి శుభాకాంక్షలు తెలియచేస్తూ పవన్ ఓ లెటర్ ని విడుదల చేశారు. ఈ లెటర్ లో ” ప్రతిభావంతుడైన దర్శకుడు, నటుడు , రచయిత మా బంగారు గని సముద్రఖని గారికి హృదయపూర్వక జన్మదిన శుభాకాంక్షలు అని పవన్ ఆయన్ని ప్రశంసిస్తు శుభాకాంక్షలు తెలియజేశారు.

పవన్ కళ్యాణ్ లేఖకు సముద్రఖని స్పందిస్తూ ఎమోషనల్ అయ్యాడు. ఈ క్రమంలో ..” అన్నయ్యా మీరు నా పట్ల చూపించిన ప్రేమాభిమానాలకు చాలా కృతజ్ఞుడిని. నటుడిగా, దర్శకుడిగా మీతో కలిసి చేసిన ఈ ప్రయాణం నాకు ఎన్నో మంచి విషయాలని నేర్పించింది అంటూ రాసుకొచ్ఛాడు.అంతే కాకుండా ‘ సమాజం పట్ల మీకున్న అక్కర ప్రేమ నన్ను మీ వ్యక్తిత్వానికి అభిమానిగా మార్చేసింది. ఎల్లప్పుడూ మీలాంటి సాహస యోధుడు ఆలోచనలకు సహచరుడినై ఉండాలని కోరుకుంటాను.

ప్రజా సంక్షేమం కోసం మీరు కలలుగనే మార్పు సాకారమై, తెలుగురాష్ట్రాలకే కాక యావత్ దేశానికి మేలు జరిగేలా మిమ్మల్ని భగవంతుడు నడిపించాలని మనసారా కోరుకుంటున్నానని సముద్రఖని ఎమోషనల్ రిప్లై ఇస్తూ లేక విడుదల చేశారు. ప్రస్తుతం ఇవి సోషల్ మీడియాలో వైరల్ అవుతున్నాయి. ఇక పవన్ కళ్యాణ్ మరోవైపు హరీష్ శంకర్ దర్శకత్వంలో ఉస్తాద్ భగత్ సింగ్ సినిమాతో పాటు సుజీత్ దర్శకత్వంలో ఓజి చిత్రాల్లో నటిస్తున్నారు.

విరూపాక్ష సినిమా రివ్యూ & రేటింగ్!
గత 10 సినిమాల నుండి సాయి ధరమ్ తేజ్ బాక్సాఫీస్ పెర్ఫార్మన్స్ ఎలా ఉందంటే..?

శాకుంతలం పాత్రలో నటించిన హీరోయిన్ లు వీళ్లేనా?
కాంట్రవర్సీ లిస్ట్ లో ఆ సినిమా కూడా ఉందా?