‘బిగ్ బాస్4’ దివి టైం స్టార్ట్ అయ్యింది.. ఏకంగా పవర్ స్టార్ సినిమాలో…!

‘బిగ్ బాస్4’ ఫేమ్ దివి వైద్య గురించి ప్రత్యేక పరిచయమవసరం లేదు. మహేష్ బాబు హీరోగా వంశీ పైడిపల్లి డైరెక్షన్లో వచ్చిన ‘మహర్షి’ చిత్రం ద్వారా తెలుగు ప్రేక్షకులకు పరిచయమైన ఈ బ్యూటీ.. ‘బిగ్ బాస్4’ హౌస్లో చేసిన సందడి అంతా ఇంతా కాదు. సైలెంట్ గా ఉంటూనే… గేమ్ ను చాలా సీరియస్ గా ఆడుతూ.. ఈమె ప్రేక్షకులను అలరించింది. అయితే తొందరగానే దివి హౌస్ నుండీ ఎలిమినేట్ అయిపోవడంతో.. ఈమె అభిమానులు హర్ట్ అయ్యారని చెప్పొచ్చు.

అయితే ఈమెకు ప్రస్తుతం వరుస సినిమా ఆఫర్లు వస్తుండడం విశేషం. ఫినాలే ఎపిసోడ్లో గెస్ట్ గా విచ్చేసిన మెగాస్టార్ చిరంజీవే .. తన తదుపరి చిత్రమైన ‘వేదాలం’ రీమేక్లో ఛాన్స్ ఇస్తానని ఓపెన్ గా చెప్పాడు. అయితే దివికి.. అన్నయ్య సినిమా కంటే ముందే తమ్ముడి సినిమాలో ఛాన్స్ దక్కించుకుందనేది తాజా సమాచారం. వివరాల్లోకి వెళితే.. పవన్ కళ్యాణ్ – రానా కాంబినేషన్లో ఓ మల్టీ స్టారర్ చిత్రం తెరకెక్కుతోన్న సంగతి తెలిసిందే.

సాగర్ చంద్ర డైరెక్ట్ చేస్తున్న ఈ చిత్రం మలయాళంలో సూపర్ హిట్ అయిన ‘అయ్యప్పనుమ్ కోషియమ్’ కు రీమేక్. ఈ చిత్రంలో దివిని కూడా ఓ ముఖ్యపాత్ర కోసం దర్శకనిర్మాతలు సంప్రదించారట. కంటెంట్ ఉన్న సినిమా.. పైగా పవన్ కళ్యాణ్,రానా వంటి స్టార్లు నటిస్తున్న చిత్రం కావడంతో దివి వెంటనే ఈ ప్రాజెక్టుకి గ్రీన్ సిగ్నల్ ఇచ్చేసినట్టు సమాచారం.

Most Recommended Video

2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!