మన అందరి వీరాభిమాన కథానాయకుడు బాలయ్య అప్పుడప్పుడూ నోరు జారి వార్తల్లోకెక్కినా ఆయన వ్యక్తిత్వం గురించి, తన అనుకున్నవారిని ఆదుకొనే విషయంలో ఆయన్ని ఎవరితోనూ కనీసం కంపేర్ చేయలేం. అందుకే కథానాయకుడిగానే కాక వ్యక్తిగానూ తనకంటూ ప్రత్యేకమైన ఇమేజ్ సంపాదించుకోగలిగారు నందమూరి బాలకృష్ణ. బాలీవుడ్ టాప్ హీరోయిన్ అయిన కత్రినా కైఫ్ కూడా “డ్యాన్స్ లో మీకు ఇన్స్పిరేషన్ ఎవరు?” అని అడిగితే మరో ఆలోచన లేకుండా “నందమూరి బాలకృష్ణ” అని చెప్పింది. ఇప్పుడు కత్రినా తరహాలోనే మరో బాలీవుడ్ ముద్దుగుమ్మ కూడా బాలయ్య వ్యక్తిత్వాన్ని తెగ పొగిడేస్తోంది.
బాలయ్య సరసన “పైసా వసూల్” చిత్రంలో కథానాయికగా నటించిన ముస్కాన్ ఇటీవల ఓ పత్రికకి ఇచ్చిన ఇంటర్వ్యూలో బాలయ్య గురించి మాట్లాడుతూ.. “బాలకృష్ణగారి నుంచి నేను డిసిప్లైన్ నేర్చుకున్నాను. ఆయన సెట్స్ లో ఎప్పుడు వాళ్ళ ఫాదర్ గురించి చెబుతూ ఉంటారు. తండ్రిని దేవుడిలా పూజించడం అనేది ఆయన్ని చూసే తెలుసుకొన్నాను. నటన పట్ల ఆయనకి ఉన్న నిబద్ధత చూస్తే ముచ్చటేస్తుంది. మళ్ళీ ఇంకోసారి ఆయనతో నటించాలని ఉంది. అలాగే.. టాలీవుడ్ లో మహేష్ బాబుతో కలిసి కనీసం ఒక్క సినిమాలో అయినా నటించాలన్నది నా ధ్యేయం” అని వివరించింది ముస్కాన్. మరి బాలయ్య కానీ మహేష్ కాని ఆమె అభ్యర్ధనను స్వీకరిస్తారో లేదో చూడాలి.
