గ్లామర్ క్వీన్ సాక్షి చౌదరి నటిస్తున్న తాజా చిత్రం “సువర్ణసుందరి”. సూర్య ఎంఎస్ఎన్ డైరెక్ట్ చేస్తున్న ఈ చిత్రంలో సీనియర్ నటి జయప్రద కీలకపాత్ర పోషిస్తుంది. పునర్జన్మల నేపధ్యంలో సాగే కథాంశంతో రూపొందిన ఈ చిత్రం ఎట్టకేలకు విడుదల తేదీని ఖరారు చేసుకుంది. ‘మే’ 31న ప్రపంచ వ్యాప్తంగా ఈ చిత్రం భారీగా విడుదల కానుందట. శ్రీ కృష్ణ దేవరాయల స్టోరీ ఆధారంగా తెరకెక్కిన ఈ చిత్రంలో సాక్షి, జయప్రదతో పాటూ పూర్ణ కూడా కీలక పాత్ర పోషిస్తుంది.
ఎంతో కాలంగా నటిగా గుర్తింపు తెచ్చుకోవడానికి చాలా కష్టపడుతున్న ఈ భామ చిన్న చిన్న ఆఫర్లు దక్కించుకున్నప్పటికీ సరైన గుర్తింపు తెచ్చుకోలేకపోయింది. అల్లరి నరేష్ తో ‘సీమ టపాకాయి’ చిత్రంతో హీరోయిన్ గా పరిచయమైన ఈ భామ తరువాత కొన్ని ‘అవును’ ‘అవును2’ చిత్రాల్లో కూడా నటించింది. అయితే ఆ చిత్రాలు ఈమెకు పెద్దగా కలిసి రాలేదు. కానీ ఈసారి ‘సువర్ణ సుందరి’ చిత్రంతో కచ్చితంగా ఆకట్టుకుంటుందని తెలుస్తుంది. చరిత్ర భవిష్యత్తుని వెంటాడుతొందన్న క్యాప్షన్ తో భారీ బడ్జెట్ చిత్రాలకు ఏ మాత్రం తీసిపోని రీతిలొ ఓ సాంకేతిక అద్బుతంగా ఎస్.టీమ్ పిక్చర్స్ పతాకంపై ఎమ్.ఎల్. లక్ష్మి నిర్మిస్తున్న ఈ చిత్రం రూపొందిందని తెలుస్తుంది.
