ఇప్పుడంటే పవన్ కళ్యాణ్ మైకు పట్టుకొని మాట్లాడుతుంటే.. ధైర్యానికి మరో రూపంలా కనిపిస్తున్నాడు కానీ.. ఒకప్పుడు పవన్ కళ్యాణ్ కి సిగ్గు చాలా ఎక్కువంట. ఎంత సిగ్గు అంటే.. కనీసం హీరోయిన్ ఫేస్ చూసి డైలాగ్ చెప్పలేకపోయేవాడట. ఈ విషయాన్ని స్వయంగా ఆయన సరసన నటించిన రాశి చెప్పడం విశేషం. పవన్ కళ్యాణ్ తో కలిసి “గోకులంలో సీత” సినిమాలో కథానాయికగా నటించిన రాశి ఇటీవల సెకండ్ ఇన్నింగ్స్ మొదలెట్టి చిన్న చిన్న పాత్రలు చేయడం మొదలెట్టింది.
ఈ క్రమంలో ఒక టీవీ షోకి గెస్ట్ గా వచ్చిన రాశిని పవన్ కళ్యాణ్ తో కలిసి పనిచేయడం ఎలా అనిపించింది అని అడగగా.. ఆయన చాలా సిగ్గుపడేవాడు. అసలు డైలాగ్ చెప్పడానికి కూడా తెగ సిగ్గుపడేవాడు. నేను డైలాగ్ చెబుతుంటే కూడా “ఏమండీ కింద చూసి చెప్పండి.. మీరు నన్ను చూస్తుంటే నవ్వొచ్చేస్తుంది” అని అడిగేవాడు. అలాంటి పవన్ కళ్యాణ్ ఇప్పుడు మైక్ పట్టుకొని దుమ్ము దులిపేస్తుంటే.. చూడ్డానికి చాలా ఆశ్చర్యకరంగా ఉంది అని చెప్పుకొచ్చింది రాశి. నిజమేలే.. పవన్ కళ్యాణ్ లో ఈ ఆకస్మిక మార్పును ఆయన అన్నయ్య, తండ్రి సమానుడు చిరంజీవే సడన్ గా చూసి షాక్ అయ్యాడు. అలాంటిది రాశి షాక్ అవ్వడంలో పెద్ద ఆశ్చర్యం లేదు.
గ్యాంగ్ లీడర్ సినిమా రివ్యూ కోసం ఇక్కడ క్లిక్ చెయ్యండి
పహిల్వాన్ సినిమా రివ్యూ కోసం ఇక్కడ క్లిక్ చెయ్యండి
