బయటికి వచ్చిన రష్మిక కాబోయే భర్త ఫోటోలు!

కన్నడ బ్యూటీ రష్మిక తొలి సినిమాతోనే  తెలుగువారి మనసు దోచుకుంది. “ఛలో” సినిమాలో నాగశౌర్య కి జోడీగా నటించి కనువిందు చేసింది. విజయంతో పాటు పలు అవకాశాలను అందుకుంది. ఇప్పుడు ఆమె తెలుగులో విజయ్‌ దేవరకొండతో “గీత గోవిందం”, “డియర్‌ కామ్రేడ్‌” సినిమాలు చేస్తోంది. నాగ్, నాని మల్టీస్టారర్ సినిమా “దేవదాస్‌”లోనూ నాని సరసన నటిస్తోంది. ఇవే కాకుండా కన్నడ చిత్రం “వృత్ర” సినిమాకి సంతకం చేసింది. గౌతమ్‌ అయ్యర్‌ దర్శకత్వంలో రూపుదిద్దుకుంటున్న ఈ చిత్రంలో రష్మిక ఇన్వెస్టిగేటివ్‌ ఆఫీసర్‌ రోల్‌ చేస్తోంది. ఇలా నాలుగు సినిమాలతో బిజీగా ఉన్న ఈ బ్యూటీకి ఇది వరకే నిశ్చితార్థం అయిందనే విషయం తెలిసిందే.

అయితే అతను ఎవరు? అనేది సస్పెన్స్ లో పెట్టింది. ఈరోజు సస్పెన్స్ వీడిపోయింది. అతను ఎవరో కాదు రష్మిక తొలి చిత్ర హీరో రక్షిత్ శెట్టి. రెండేళ్ల క్రితం కిరిక్ పార్టీ సినిమా ద్వారా రష్మిక సినిమాలోకి ఎంట్రీ ఇచ్చింది. ఇందులో హీరోగా నటించిన రక్షిత్ శెట్టి పై మనసుపారేసుకుంది. వెండితెరపైనే కాదు నిజ జీవితంలోను తమ ప్రేమ సక్సస్ అవుతుందని ఒకటి అయ్యారు. నిశ్చితార్ధం చేసుకున్నారు. వారిద్దరూ ఉంగరాలు మార్చుకున్న ఫోటో ప్రస్తుతం సోషల్ మీడియాలో చక్కర్లు కొడుతోంది. అయితే పెళ్లి ఎప్పుడు?, పెళ్లి తర్వాత కూడా నటిగా కొనసాగుతుందా? అనే ప్రశ్నలకు రష్మిక సమాధానాలు ఇవ్వాల్సి ఉంటుంది.