హీరోయిన్లకు కాస్త క్రేజ్ వస్తే.. దాన్ని క్యాష్ చేసుకోవడానికి తెగ ప్రయత్నిస్తుంటారు. పారితోషికాన్ని పెంచేయడంతో పాటూ పెద్ద పెద్ద షాపుల ఓపెనింగ్స్ కు వెళ్ళడం , ఇక యాడ్స్ లో నటించడం వంటివి చేస్తుంటారు. అసలు ఆ ప్రోడక్ట్ ఎలాంటిది.. అని అస్సలు ఆలోచించరు. పారితోషికమే మెయిన్ టార్గెట్ గా ఎంచుకుంటుంటారు. అయితే మన సాయి పల్లవి మాత్రం ఇందుకు భిన్నంగా ఉంది. ‘ఫిదా’ చిత్రంలో తన నటనతో మంచి క్రేజ్ ను సొంతం చేసుకుంది సాయి పల్లవి. అయితే ఇప్పటి వరకూ ఒక్క వాణిజ్య ప్రకటనలో కూడా నటించలేదు.
అయితే తాజాగా ఆమెను వెతుక్కుంటూ వచ్చిన ఓ భారీ డీల్ ను తిరస్కరించిందట. తమ ఉత్పత్తులకు బ్రాండ్ అంబాసడర్ గా ఉండమని ఓ ప్రముఖ ఫేస్ క్రీమ్ సంస్థ సాయి పల్లవిని సంప్రదించారట. ఇందుకోసం 2 కోట్ల వరకూ పారితోషికాన్ని ఆఫర్ చేశారట. అయినప్పటికీ ఆమె నో చెప్పడం అందరికీ షాకిచ్చింది. ‘సినిమాల్లోనే నేను మేకప్ లేకుండా నటిస్తుంటాను… అలాంటిది ఫేస్ క్రీమ్ వాడమని జనాలకు ఎలా చెప్తాను’.. అంటూ వారికి సమాధానమిచ్చిందట. అయితే మేకప్ లేకుండానే తమ యాడ్ లో నటించమని ఆ సంస్థ ఆమెను కోరినప్పటికీ… ఆమె ఒప్పుకోలేదు.
