Samantha: సమంత హెల్త్ కండీషన్ గురించి ఆమె పర్సనల్ మేనేజర్ ఏం చెప్పారంటే..?

గతకొద్ది రోజులుగా మీడియా, సోషల్ మీడియాలో స్టార్ హీరోయిన్ సమంత పేరు ఎక్కువగా వినిపిస్తోంది.. ఎప్పుడైతే తనకు సోకిన మయోసైటిస్ అనే అరుదైన వ్యాధి గురించి బయట పెట్టిందో అప్పటినుండి ఫ్యాన్స్‌తో పాటు ఫిలిం ఇండస్ట్రీ వారు, సన్నిహితులు సామ్ త్వరగా కోలుకోవాలని కోరుకుంటున్నారు. ఇటీవల ఇచ్చిన ఇంటర్వూలో సమంత తన పర్సనల్ లైఫ్ గురించి చెప్తూ ఎమోషనల్ అవడం చూసి అభిమానులు కూడా భావోద్వేగానికి గురయ్యారు. ప్రస్తుతం చికిత్స తీసుకుంటున్నానని, త్వరలో పూర్తి ఆరోగ్యంతో కోలుకుని మీ ముందుకు వస్తానని చెప్పుకొచ్చింది..

అయితే ఆమె ఆరోగ్యం గురించి తమిళ మీడియాలో కొన్ని వార్తలు వైరల్ అవుతున్నాయి. సమంత ఆరోగ్యం బాగోలేదని.. ప్రస్తుతం హాస్పిటల్లో జాయిన్ అయింది అంటూ కథనాలు ప్రచురించారు. దీంతో ఫ్యాన్స్, ఫ్రెండ్స్, వెల్ విషర్స్ ఆందోళనకు గురయ్యారు. అయితే సామ్ హెల్త్ కండీషన్ గురించి ఆమె పర్సనల్ మేనేజర్ ఓ ప్రకటన విడుదల చేశారు. సమంతం ప్రస్తుతం ఆరోగ్యంగానే ఉందని.. ఇంట్లోనే విశ్రాంతి తీసుకుంటుందని.. బయట వస్తున్న వార్తల్లో నిజం లేదు..

అలాంటి వదంతులు నమ్మకండి అని తెలిపారు. దీంతో అభిమానులు కాస్త ఊపిరి పీల్చుకున్నారు. సామ్ నటించిన ఫస్ట్ పాన్ ఇండియా మూవీ ‘యశోద’ నవంబర్ 11న విడుదలై.. సూపర్ హిట్ టాక్‌తో, రికార్డ్ రేంజ్ కలెక్షన్లతో బాక్సాఫీస్ బరిలో దూసుకెళ్తోంది. సమంత మరోసారి తన అమేజింగ్ పర్ఫార్మెన్స్‌‌తో ఆడియన్స్‌ని మెస్మరైజ్ చేసింది. స్టార్ హీరో లేకపోయినా సత్తా చాటగలనని ఇంతకుముందు ‘ఓబేబి’, ‘యూటర్న్’ సినిమాలతో నిరూపించిన సామ్ ఈసారి తనకు తానే

పోటీ అనే విధంగా అద్భుతమైన కలెక్షన్లు రాబట్టడం విశేషం. కేవలం మొదటి 3 రోజుల్లోనే ప్రపంచవ్యాప్తంగా 20 కోట్ల రూపాయల గ్రాస్ వసూలు చేయడం చూసి ట్రేడ్ వర్గాల వారు ఆశ్చర్యపోయారు.. డిస్ట్రిబ్యూటర్స్, ఎగ్జిబిటర్స్ అందరికీ లాభాలు తెచ్చిపెట్టింది ‘యశోద’.. గుణ శేేఖర్ దర్శకత్వంలో నటిస్తున్న ‘శాకుంతలం’ మూవీ ప్రస్తుతం పోస్ట్ ప్రొడక్షన్ స్టేజ్‌లో ఉంది.

ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!

మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!