Samyuktha Menon: నేను లక్ ను మాత్రం నమ్మను!: సంయుక్త మీనన్

May 19, 2023 / 09:10 PM ISTByFilmy Focus

Join Us

Samyuktha Menon: నేను లక్ ను మాత్రం నమ్మను!: సంయుక్త మీనన్

పవన్ కళ్యాణ్ హీరోగా నటించిన భీమ్లా నాయక్ సినిమా ద్వారా తెలుగు తెరకు పరిచయమైన మలయాళ బ్యూటీ సంయుక్త మీనన్. మొదటి సినిమాతోనే ఈ అమ్మడు తన అందం, అభినయంతో ఆకట్టుకొని తెలుగు ప్రేక్షకులకు బాగా దగ్గరయింది. ఆ తర్వాత బింబిసారా , సార్ వంటి సినిమాలలో హీరోయిన్ గా నటించింది బ్యాక్ టు బ్యాక్ హిట్స్ అందుకుంది. దీంతో ఈ అమ్మడుకి గోల్డెన్ లెగ్ అంటూ బిరుదు ఇచ్చేశారు. ఇక ఇటీవల విడుదలైన విరూపాక్ష సినిమా ద్వారా కూడా మరొక హిట్ తన ఖాతాలో వేసుకుంది.

ఈ అమ్మడు (Samyuktha Menon) వరస హిట్ సినిమాలను అందుకుంటూ టాలీవుడ్ లో స్టార్ హీరోల సరసన నటించే అవకాశాలు అందుకుంటుంది. ఇలా సంయుక్త నటించిన సినిమాలు అన్ని వరుసగా హిట్ అవటంతో ఇండస్ట్రీలో ఈ అమ్మడిని లక్కీ హీరోయిన్ అంటూ కొని ఆడుతున్నారు. అయితే ఈ అమ్మడు మాత్రం ఆ మాటలను కొట్టి పారేస్తూ.. నేను లక్ ని నమ్మను, నా సక్సెస్ సీక్రెట్ ఇదే అంటూ సంయుక్త ఇంట్రెస్టింగ్ కామెంట్స్ చేసింది.

విజయం అనేది మన టాలెంట్, స్క్రిప్ట్ సెలక్షన్ మీదే ఆధారపడి ఉంటుంది. లక్ వల్ల విజయాలు దక్కుతాయని నేను నమ్మను అంటూ తెలిపింది. ప్రస్తుతం సంయుక్త చేసిన వ్యాఖ్యలు వైరల్ అవుతున్నాయి. ఇదిలా ఉండగా సంయుక్త మీనన్ ప్రస్తుతం డెవిల్ లో నటిస్తోంది. అంతే కాకుండా తెలుగులో స్టార్ హీరోలతో కలిసి నటించే అవకాశాలు కూడా అందుతున్నాయి.

విరూపాక్ష సినిమా హిట్ అవటంతో రెమ్యునరేషన్ కూడా భారీగా పెంచేసింది. దీంతో ఈమెతో సినిమా చేయటానికి నిర్మాతలు వెనకడుగు వేస్తున్నారని తెలుస్తోంది. ఇదిలా ఉండగా సంయుక్తకు స్నేహితులతో కలసి ఉండటం కన్నా ఒంటరిగా ఉండటం ఇష్టమట. ఖాళీ సమయం దొరికితే ఆధ్యాత్మిక ప్రదేశానికి వెళ్లి ప్రశాంతంగా పుస్తకాలు చదువుకుంటారని తెలుస్తోంది.