Suda,Jr NTR: ఎన్టీఆర్ చాలా అల్లరి పిల్లాడు… నటి సుధా కామెంట్స్ వైరల్!

ఎన్నో సినిమాలలో క్యారెక్టర్ ఆర్టిస్ట్ గా నటించి ఎంతో మంచి గుర్తింపు సంపాదించుకున్న సీనియర్ నటి సుధా గురించి ప్రత్యేకంగా చెప్పాల్సిన పనిలేదు. ఈమె ఇండస్ట్రీలో సుమారు నాలుగు తరం హీరోల సినిమాలలో నటించారు. ఇండస్ట్రీలో ఒక స్వచ్ఛమైన తల్లి పాత్ర అంటే అందరికీ టక్కున సుధా గుర్తుకు వస్తారు.ఈ విధంగా తన సినీ కెరియర్లో సుమారు 500 కు పైగా సినిమాలలో నటించిన సుధా ఈ మధ్యకాలంలో సినిమాలు కాస్త తగ్గించారని చెప్పాలి.

ఇండస్ట్రీలో ఈమె ఎంతో మంది యంగ్ హీరో హీరోయిన్లకు తల్లి పాత్రలలో నటించడం కన్నా జీవించారు అని చెప్పాలి.తాజాగా ఒక ఇంటర్వ్యూలో పాల్గొన్న సుధా పలువురు సెలబ్రిటీల గురించి ఆసక్తికరమైన విషయాలు తెలియజేశారు. ముఖ్యంగా ఈమె జూనియర్ ఎన్టీఆర్ గురించి చేసినటువంటి కామెంట్స్ సోషల్ మీడియాలో వైరల్ అవుతున్నాయి.ఎన్టీఆర్ చాలా అల్లరి పిల్లాడని ఈమె తెలిపారు. అయితే ఇప్పటికే ఆయనలో ఆ అల్లరితనం అలాగే ఉందని అయితే ఇప్పుడు చాలా హుందాగా కూడా ప్రవర్తిస్తాడని సుధా తెలిపారు

ఎన్టీఆర్ గురించి మాట్లాడుతూ… తనకు ఎన్టీఆర్ తో మంచి చనువు ఉండటం వల్ల తనని వారు అని కాకుండా వాడు అని పిలుస్తానని తెలిపారు. ఎన్టీఆర్ హీరోగా నటించిన బాద్షా సినిమా షూటింగ్ సమయంలో జరిగిన సంఘటన గురించి తెలియజేస్తూ ఎన్టీఆర్ గొప్పతనాన్ని బయటపెట్టారు.ఈ సందర్భంగా ఈమె ఎన్టీఆర్ తో కలిసి ఈ సినిమాలో స్టేజ్ పై డాన్స్ చేసే సన్నివేశం గురించి తెలియజేశారు. ఈ విధంగా ఎన్టీఆర్ తో కలిసి వేదికపై డాన్స్ చేస్తున్నప్పుడు మొదటి టేక్ ఓకే అయింది.

అయితే నేను మాత్రం మరొకటి చేసుకుందామని చెప్పాను అప్పటికీ ఎన్టీఆర్ కరెక్టుగా సరిపోయింది అవసరం లేదు అన్నారు.కానీ నేనే వన్ మోర్ టేక్ తీసుకొని డాన్స్ చేస్తుండగా ఒక్కసారిగా స్లిప్ అయ్యి కాలు బెణికి కింద పడ్డాను.ఇలా ఒక్కసారిగా కాలు మొత్తం వాపు వచ్చింది. అయితే ఎన్టీఆర్ ప్లేస్ లో వేరే హీరోలు ఎవరన్నా ఉన్నా అక్కడి నుంచి వెళ్ళిపోయేవారు కానీ ఆయన మాత్రం నాకు కాలు పట్టుకొని స్ప్రే చేసి నన్ను జాగ్రత్తగా తీసుకెళ్లి కూర్చోబెట్టారు. అది ఎన్టీఆర్ మంచితనం అని తెలియజేశారు.

బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!

ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?