Adivi Sesh: స్నేహితుడితో అడివి శేష్ సినిమా?

టాలీవుడ్‌లో కంటెంట్ బేస్డ్ సినిమాలకు కేరాఫ్ అడ్రస్ అడవి శేష్(Adivi Sesh). స్క్రిప్ట్ విషయంలో ఆయన చాలా కచ్చితంగా ఉంటారు. టైమ్ తీసుకున్నా సరే పర్ఫెక్ట్ స్టోరీ ఉంటేనే సెట్స్ పైకి వెళ్తారు.

Adivi Sesh

కథ చెప్పి శేష్‌ను మెప్పించడం అంత ఈజీ కాదు. కానీ, స్టోరీలో దమ్ముంటే డైరెక్టర్ ట్రాక్ రికార్డ్ ఎలా ఉందనేది ఆయన అస్సలు పట్టించుకోరు. తాజాగా ఇలాంటి ఓ క్రేజీ ప్రాజెక్ట్‌కు శేష్ గ్రీన్ సిగ్నల్ ఇచ్చినట్లు ఇండస్ట్రీలో టాక్ నడుస్తోంది. ఆ క్రేజీ ప్రాజెక్ట్‌ను పట్టాలెక్కించబోయేది మరెవరో కాదు.. నటుడు, దర్శకుడు రాహుల్ రవీంద్రన్. వాస్తవానికి అడివి శేష్, రాహుల్ మంచి స్నేహితులు.

ఇద్దరికీ ‘అన్నపూర్ణ స్టూడియోస్’ తో మంచి అనుబంధం ఉంది. వీరి కాంబో సెట్ చేయాలని ‘అన్నపూర్ణ స్టూడియోస్’ సంస్థ ప్రయత్నిస్తున్నట్టు టాక్.ఆ విషయాలు పక్కన పెట్టేస్తే.. ‘చిలసౌ’ సినిమాతో దర్శకుడిగా మంచి మార్కులు వేయించుకున్న రాహుల్.. ఆ తర్వాత ‘మన్మథుడు 2’తో కాస్త తడబడ్డాడు. అయితే, ఆయన తెరకెక్కించిన తాజా చిత్రం ‘ది గాళ్ ఫ్రెండ్’కి మంచి రెస్పాన్స్ వచ్చింది.

ఈ సినిమా వర్క్స్‌లో ఉంటూనే.. మధ్యలో దొరికిన గ్యాప్‌లో రాహుల్ రెండు స్క్రిప్ట్స్ రెడీ చేసుకున్నారు. అందులో ఒక క‌థ‌ను అడవి శేష్‌కు వినిపించగా.. అది ఆయనకు బాగా కనెక్ట్ అవ్వడంతో వెంటనే ఓకే చెప్పేసినట్లు సమాచారం.అయితే కథైతే లాక్ అయింది కానీ, ఈ కాంబో ఇప్పట్లో సెట్స్ పైకి వెళ్లే ఛాన్స్ లేదు. ప్రస్తుతం శేష్ ‘గూఢచారి 2 (G2)’, ‘డాకాయిట్’ సినిమాల షూటింగ్స్‌తో ఫుల్ బిజీగా ఉన్నారు.

ఆ ప్రాజెక్ట్స్ పూర్తయి, శేష్ డేట్స్ ఇచ్చే వరకు రాహుల్ వెయిట్ చేయక తప్పదు.మరి అప్పటివరకు ఖాళీగా ఉండకుండా.. ఈ వెయిటింగ్ గ్యాప్‌లో రాహుల్ రవీంద్రన్ మరో సినిమాను పట్టాలెక్కించనున్నారు.’ది గాళ్ ఫ్రెండ్’లో కీలక పాత్ర చేసిన ‘దసరా’ ఫేమ్ దీక్షిత్ శెట్టితోనే ఆయన తన తదుపరి సినిమా చేయబోతున్నారు. ‘ది గాళ్ ఫ్రెండ్’ నిర్మాత ధీరజ్ మొగలినేని ఈ చిత్రాన్ని కూడా ప్రొడ్యూస్ చేయనున్నట్టు సమాచారం.

ఈ ఏడాదే ఈ ప్రాజెక్టు సెట్స్ పైకి వెళ్లనుందని తెలుస్తోంది.అటు తర్వాత అడవి శేష్ – రాహుల్ ప్రాజెక్ట్‌పై ఓ క్లారీటీ వస్తోంది.

బాక్సాఫీస్ వద్ద ఎదురీదుతున్న ‘విష్ణు విన్యాసం’.. అయినా కష్టమే