ఆమె సినిమాల్లోకి ఎంట్రీ ఇచ్చి 19 ఏళ్ళు పూర్తికావస్తోంది.చెప్పుకోవడానికి ఆమె బాలీవుడ్ నటే.. అయినప్పటికీ.. తన బోల్డ్ లుక్స్, హాట్ హాట్ అందాలు, కైపెక్కించే చూపులతో బాలీవుడ్ జనాలనే కాదు సౌత్ జనాలను కూడా ఓ ఊపు ఊపేసిందనే చెప్పాలి. ఆమె మరెవరో కాదు మల్లికా శెరావత్. నార్త్ బ్యూటీ అయినప్పటికీ ఇండియా వైడ్ ఈమెకు కోట్లాది మంది అభిమానులు ఉన్నారు అనడంలో అతిశయోక్తి అనిపించుకోదు. 2002 లో వచ్చిన ‘జీనా సిర్ఫ్ మేరే లియే’ తో సినీరంగ ప్రవేశం చేసిన ఈమె తర్వాత ‘ఖ్వాహిష్‌’(2003)తో ప్రేక్షకులకి దగ్గరయ్యింది.
అనంతరం మహేష్ భట్ దర్శకత్వంలో వచ్చిన ‘మర్డర్‌’ చిత్రంతో మరింత పాపులర్ అయ్యింది. కమల్ హాసన్ హీరోగా నటించిన ‘దశావతారం’ లో కూడా ఈమె నటించింది. అదే సమయంలో ఈమెకి టాలీవుడ్ నుండీ కూడా ఆఫర్లు వచ్చాయి.బాలకృష్ణ వంటి స్టార్ హీరో సినిమా కోసం కూడా ఈమెను సంప్రదించారు. కానీ ఈమెకి ఖాళీ లేక వాటిని రిజెక్ట్ చేసింది. అయితే ఇంత కాలానికి ఈమె టాలీవుడ్ ను పలకరించబోతుంది.
‘నాగమతి’ టైటిల్ తో ఓ పీరియాడికల్ మూవీ రూపొందుతోంది.అమ్రిష్ గణేశ్ దర్శకత్వంలో ఈ చిత్రం తెరకెక్కుతుంది. ఈ చిత్రంలో ఓ కీలక పాత్రకి మల్లికా శరావత్ ఎంపికైందట.తెలుగు, తమిళ, హిందీ భాషల్లో ఏక కాలంలో ఈ చిత్రం రూపొందనుంది.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
