#AASOnAHA: ‘ఆహా’ వారి ‘ఏజెంట్ ఆనంద్ సంతోష్’ ట్రైలర్ కు అమేజింగ్ రెస్పాన్స్..!

తెలుగు ప్రేక్షకులను విభిన్న పద్ధతిలో ఆకట్టుకుంటూ వారికి కావాల్సిన ఎంటర్టైన్మెంట్ ని ప్రొవైడ్ చేస్తుంది ‘ఆహా’.అన్ని ఓటీటీ ల కంటే ఎక్కువ కంటెంట్ ను అలాగే బెస్ట్ కంటెంట్ ను క్వాలిటీతో ప్రేక్షకులకు అందిస్తుంది. ‘సామ్ జామ్’ ‘అన్ స్టాపబుల్’ వంటి టాక్ షోలతో పాటు ఇండియన్ ఐడల్ తెలుగు వంటి సింగింగ్ షోని కూడా ప్రారంభించి మరింతగా ప్రేక్షకులకు దగ్గరైంది. ‘ఆహా’ ఇప్పుడు ఫ్యామిలీ ఆడియన్స్ కు కూడా బాగా దగ్గరైంది.

పలు కొత్త సినిమాలను హై క్వాలిటీ వెర్షన్ల తో స్ట్రీమింగ్ చేస్తూనే ఒరిజినల్ మూవీస్ ను, వెబ్ సిరీస్ లను నిర్మిస్తూ ప్రతీవారం ప్రేక్షకులకు కొత్త అనుభూతిని కలిగిస్తుంది.తాజాగా ‘ఆహా’ వారి నుండి రాబోతున్న కొత్త సిరీస్ ‘ఏజెంట్ ఆనంద్ సంతోష్’. ‘బిగ్ బాస్ 5’ రన్నరప్… గా నిలిచిన షణ్ముఖ్ జస్వంత్ ప్రధాన పాత్రలో తెరకెక్కిన సిరీస్ ఇది. తాజాగా ‘ఏజెంట్ ఆనంద్ సంతోష్’ కు సంబంధించిన ట్రైలర్ ను విడుదల చేశారు. ‘మనిషి బ్రతకడానికి జీవితంలో కొన్ని రూల్స్ పెట్టుకుంటాడు.

ఆ రూల్సే బ్రేక్ చేస్తే’ అనే డైలాగ్ తో ట్రైలర్ మొదలైంది. ఆ రూల్స్ ఏంటనేవి ట్రైలర్ లో చూపించారు.వాటిని బ్రేక్ చేయడం కోసం ఉద్యోగం మానేసి డిటెక్టివ్ పని మొదలు పెట్టిన ఏజెంట్ గా షణ్ముఖ్ కనిపించబోతున్నాడు.ఈ క్రమంలో అతని వద్దకు అన్నీ సిల్లీ సిల్లీ కేసులు వస్తుంటాయి. చిన్నపిల్లల క్రికెట్ బ్యాట్ లు పోయాయని, పక్కింట్లో చెప్పులు పోయాయని… ఇలాంటి కేసులు అనమాట. అనుకోకుండా కూకట్ పల్లి ఏరియాలో కొంతమంది అమ్మాయిలు మిస్ అయిన కేసు ఇతను వద్దకు వస్తుంది.

అందులో దూరి ఎలాంటి ప్రమాదాలు తన మీదకు తెచ్చుకున్నాడు.. చివరికి ఆ కేసును ఎలా సాల్వ్ చేశాడు అనేది ఈ సిరీస్ యొక్క కథాంశంగా తెలుస్తుంది. ఈ ట్రైలర్ లో కామెడీ కూడా ఆకట్టుకునే విధంగా ఉంది. జూలై 22 నుండి ఈ సిరీస్ ‘ఆహా’ లో స్ట్రీమింగ్ కానుంది. సీజన్ 1 కి సంబంధించిన మొదటి రెండు ఎపిసోడ్ లు ఆ రోజు స్ట్రీమింగ్ కాబోతున్నట్లు ప్రకటించారు. ట్రైలర్ ను మీరు కూడా ఓ లుక్కేయండి :