స్టార్ హీరో బాలకృష్ణ స్టార్ డైరెక్టర్ బోయపాటి శ్రీను కాంబినేషన్ లో తెరకెక్కిన అఖండ సినిమా బాక్సాఫీస్ వద్ద కలెక్షన్ల విషయంలో సృష్టించిన రికార్డులు అన్నీఇన్నీ కావు. అఖండ సినిమా విడుదలైన సమయంలో తెలుగు రాష్ట్రాల్లో తక్కువ టికెట్ రేట్లు అమలులో ఉన్నాయి. ఈ సినిమాకు బెనిఫిట్ షోలకు కూడా అనుమతులు లభించలేదు. క్రిటిక్స్ నుంచి సైతం అఖండ సినిమాకు పాజిటివ్ రివ్యూలు రాలేదు. అఖండ సినిమాలో ఫస్టాఫ్ సోసోగా ఉందని సెకండాఫ్ బాగానే ఉన్నా ఫైట్లు ఎక్కువగా ఉన్నాయని కామెంట్లు వ్యక్తమయ్యాయి.
అయితే బాక్సాఫీస్ వద్ద మాత్రం ఈ సినిమా రికార్డులు క్రియేట్ చేసి బాలయ్య కెరీర్ లో బిగ్గెస్ట్ బ్లాక్ బస్టర్ హిట్ గా నిలిచింది. అఘోరా పాత్రలో బాలయ్య అద్భుతమైన నటనకు సాధారణ ఆడియన్స్ నుంచి సైతం ప్రశంసలు దక్కాయి. ఈ సినిమా విడుదలైన 50 రోజుల తర్వాత ఓటీటీలో స్ట్రీమింగ్ అయింది. అయితే వెండితెరపై అఖండ సంచలనాలు సృష్టించగా ఓటీటీలో కూడా ఈ సినిమా అదే దూకుడును కొనసాగించింది.
బాలయ్య అఖండ అదిరిపోయే రికార్డును సొంతం చేసుకుంది. సౌత్ ఇండియాలోనే ఓటీటీలో టాప్ పర్ఫామర్ గా అఖండ నిలవడం గమనార్హం. దర్శకుడు బోయపాటి శ్రీనుకు సైతం కెరీర్ పరంగా ఈ సినిమా సక్సెస్ ఎంతగానో ఉపయోగపడిందని చెప్పవచ్చు. బాలయ్య ఖాతాలో మరో అరుదైన రికార్డ్ చేరడంతో నందమూరి అభిమానుల ఆనందానికి అవధులు లేకుండా పోయాయి. “చరిత్ర సృష్టించాలన్నా మేమే.. చరిత్ర తిరగరాయాలన్నా మేమే” అంటూ బాలయ్య ఒక సినిమాలో చెప్పిన డైలాగ్ ను బాలయ్య అఖండ సినిమా ద్వారా ప్రూవ్ చేశారు.
అఖండ సక్సెస్ తో మాస్ లో బాలయ్యకు ఫ్యాన్ ఫాలోయింగ్ మరింత పెరిగింది. నైజాంలో కూడా అఖండ భారీస్థాయిలో కలెక్షన్లను సాధించడం గమనార్హం. అయితే బాలయ్యకు ఈ సినిమా సక్సెస్ ఉపయోగపడినా ఈ సినిమాలో హీరోయిన్ గా నటించిన ప్రగ్యా జైస్వాల్ కు ఈ సినిమా సక్సెస్ ఉపయోగపడలేదని చెప్పాలి.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
Home