Balakrishna: బాలయ్య కెరీర్ లో ఇదే బెస్ట్ డీల్!

నందమూరి బాలకృష్ణ, బోయపాటి శ్రీను కాంబినేషన్ లో ‘అఖండ’ సినిమా తెరెక్కుతోన్న సంగతి తెలిసిందే. ఈ సినిమాను మే నెలలో విడుదల చేయనున్నట్లు అనౌన్స్ చేశారు. కానీ ప్రస్తుతం ఉన్న పరిస్థితుల్లో డేట్ మారే ఛాన్స్ కనిపిస్తోంది. ఇదిలా ఉండగా.. ఇటీవల విడుదలైన ఈ సినిమా ఫస్ట్ రోర్ కి భారీ స్పందన వచ్చింది. ప్రేక్షకుల్లో ఈ సినిమాపై అంచనాలు పెరిగిపోయాయి. దానికి తగ్గట్లుగానే సినిమా బిజినెస్ కూడా జరుగుతోంది. బాలయ్య కెరీర్ లో ఎన్నడూ లేని విధంగా ఈ సినిమా డిజిటల్, శాటిలైట్ రైట్స్ భారీ మొత్తానికి అమ్ముడయ్యాయి.

ప్రముఖ ఓటీటీ ప్లాట్ ఫామ్ హాట్ స్టార్ సంస్థ ఈ సినిమా హక్కులను రూ.15 కోట్లు చెల్లించి సొంతం చేసుకుంది. రీసెంట్ గా ఈ డీల్ క్లోజ్ అయింది. బాలకృష్ణ కెరియర్ లో అత్యధిక రేటు పలికిన సినిమా ఇదేనని అంటున్నారు. మరో రెండు వారాల సినిమా షూటింగ్ బ్యాలెన్స్ ఉంది. కానీ కరోనా సెకండ్ వేవ్ కారణంగా.. బాలయ్య కొన్నాళ్లపాటు షూటింగ్ కు దూరంగా ఉండాలని నిర్ణయించుకున్నారు. ఇక ఈ సినిమాలో బాలయ్య సరసన నాయికగా ప్రగ్యా జైస్వాల్ నటిస్తోంది.

మరో ముఖ్యమైన పాత్రలో నటి పూర్ణ కనిపించనుంది. పవర్ ఫుల్ విలన్ పాత్ర నటుడు శ్రీకాంత్ పోషిస్తున్నాడు. ఈ సినిమాలో బాలయ్య డిఫరెంట్ గెటప్స్ లో కనిపించనున్నారు. అందులో ఒకటి అఘోరా క్యారెక్టర్. తొలిసారి బాలయ్య ఇలాంటి పాత్రలో కనిపిస్తుండడంతో అభిమానులు సినిమా కోసం ఆసక్తిగా ఎదురుచూస్తున్నారు. దాదాలు అరవై కోట్ల బడ్జెట్ తో తెరకెక్కిస్తోన్న ఈ సినిమాకి తమన్ మ్యూజిక్ హైలైట్ గా నిలుస్తుందని చెబుతున్నారు.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!