స్టార్ హీరో బాలయ్య కెరీర్ లోని బిగ్గెస్ట్ హిట్లలో అఖండ సినిమా కూడా ఒకటనే సంగతి తెలిసిందే. అఖండ సినిమా బాక్సాఫీస్ వద్ద కళ్లు చెదిరే కలెక్షన్లను సొంతం చేసుకోవడంతో పాటు 4 కేంద్రాలలో 100 రోజుల వేడుకను జరుపుకుంది. బోయపాటి శ్రీను దర్శకత్వ ప్రతిభకు బాలయ్య అద్భుతమైన నటన తోడు కావడంతో బాక్సాఫీస్ వద్ద అఖండ అంచనాలకు మించి కలెక్షన్లను సొంతం చేసుకుంది. అఖండ రిలీజ్ సమయానికి టికెట్ రేట్లు పెరిగి ఉంటే
ఈ సినిమా అదనంగా మరో 10 కోట్ల రూపాయలను సొంతం చేసుకుని ఉండేదని కామెంట్లు వ్యక్తమవుతున్నాయి. హాట్ స్టార్ లో సైతం వ్యూస్ విషయంలో ఈ సినిమా రికార్డులను క్రియేట్ చేసింది. అయితే బుల్లితెరపై స్టార్ మా ఛానల్ లో కొన్నిరోజుల క్రితం ప్రసారమైన అఖండ భారీగా రేటింగ్ ను మాత్రం సొంతం చేసుకోలేదు. ఈ సినిమాకు కేవలం 13.3 రేటింగ్ వచ్చింది. బంగార్రాజు సినిమా రేటింగ్ తో పోల్చి చూస్తే అఖండ రేటింగ్ తక్కువ కావడం గమనార్హం.
బాలయ్య అభిమానులు 18 నుంచి 20 మధ్యలో రేటింగ్ వస్తుందని ఆశించగా అందుకు భిన్నంగా జరిగింది. స్టార్ మా ఛానల్ కు ఇతర ఛానెళ్లతో పోల్చి చూస్తే రీచ్ ఎక్కువనే సంగతి తెలిసిందే. ఆ ఛానల్ రీచ్ కు ఈ రేటింగ్ మాత్రం తక్కువేనని చెప్పవచ్చు. ఓటీటీలో ఈ సినిమాను ప్రేక్షకులు చూసేయడం, ఐపీఎల్ ప్రభావం, ఇతర కారణాల వల్ల ఈ సినిమాకు రేటింగ్ తక్కువగా వచ్చి ఉండవచ్చని ఫ్యాన్స్ భావిస్తున్నారు.
అయితే బాలయ్య కెరీర్ లో మంచి రేటింగ్ ను సొంతం చేసుకున్న సినిమాలలో అఖండ ఒకటి కావడం గమనార్హం. బాలయ్య నటించిన కొన్ని సినిమాలు బుల్లితెరపై ఆశించిన స్థాయిలో రేటింగ్ ను సొంతం చేసుకోలేదు. బాలయ్య ప్రస్తుతం గోపీచంద్ మలినేని డైరెక్షన్ లో ఒక సినిమాలో నటిస్తున్నారనే సంగతి తెలిసిందే.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
