కార్టూన్‌లు ఇష్టపడే వారి టాప్‌ షోస్‌లో కచ్చితంగా టామ్‌ అండ్‌ జెర్రీ ఉంటుంది. అంతలా ఆ కార్టూన్‌ షోకి ఫ్యాన్స్‌ ఉన్నారు. అందులో టామ్‌, జెర్రీ చేసే సరదా పనులు కడుపుబ్బా నవ్విస్తాయి. అందుకే ఇప్పటికీ ఆ షోస్‌ చూస్తూనే ఉన్నారు. అయితే అందులోంచి కామెడీతోపాటు యాక్షన్‌ సీన్స్‌ కూడా చూశాడు ఓ స్టార్‌ హీరో. అంతేకాదు ఆ సీన్స్‌ని తన సినిమాల్లో అవసరానికి తగ్గట్టు మార్చుకున్నాడు. ఈ ఆసక్తికర విషయాన్ని ఆయనే చెప్పుకొచ్చాడు.
వెండి తెరపై సాహసాలు చేయడంలో ఎప్పుడూ ముందుంటాడు బాలీవుడ్‌ అగ్ర కథానాయకుడు అక్షయ్‌ కుమార్‌ (Akshay Kumar) . సినిమా ఫలితాలతో సంబంధం లేకుండా తన యాక్షన్‌ సీన్స్‌తో ప్రేక్షకుల్ని మెప్పిస్తూ ఉంటాడు. పనిలో పనిగా కామెడీ సినిమాలు కూడా చేసి నవ్విస్తుంటాడు. ఈ క్రమంలో ఆయన తన స్టంట్స్‌కు టామ్‌ అండ్‌ జెర్రీ షో ప్రేరణ అని చెప్పి షాకిచ్చాడు. తన సినిమాలు ‘హాలిడే’ (Holiday), ‘ఖిలాడి’ (Khilad) సిరీస్ వంటి సినిమాల్లో యాక్షన్‌ సన్నివేశాల వెనుక ఆ కార్టున్‌ షో ఉందని చెప్పాడు.
‘ఖిలాడి’ (Khilad) సినిమాలోని విమానం సన్నివేశం టామ్‌ క్రూజ్‌ ‘మిషన్‌ ఇంపాజిబుల్‌: ద ఫైనల్ రెకనింగ్‌’ సినిమాలోని సన్నివేశంతో పోలుస్తూ కొందరు పోస్ట్‌లు పెట్టడంపై అక్షయ్‌ (Akshay Kumar) ఓ ఇంటర్వ్యూలో స్పందించాడు. ఆ యాక్షన్‌ సన్నివేశాలను టామ్‌ & జెర్రీ చూసే రూపొందించినట్లు తెలిపారు. టామ్‌, జెర్రీ మధ్య ఎన్నో యాక్షన్‌ సన్నివేశాలు ఉంటాయి. వాటిని గమనించి నా సినిమాల్లో ఉపయోగించాను అని చెప్పారు. దీంతో ఇలా కూడా ఓ కార్టూన్‌ని చూడొచ్చా అని అభిమానులు అనుకుంటున్నారు.
ఇక అక్షయ్‌ నటించిన ‘హౌస్‌ఫుల్‌ 5’ ఇటీవల విడుదలైంది. అభిషేక్‌ బచ్చన్‌ (Abhishek Bachchan), రితేశ్‌ దేశ్‌ముఖ్‌ (Riteish Deshmukh), జాక్వలైన్‌ ఫెర్నాండేజ్‌ (Jacqueline Fernandez), సోనమ్‌ బజ్వా (Sonam Bajwa), నర్గీస్‌ ఫక్రీ (Nargis Fakhri), సంజయ్‌ దత్‌ (Sanjay Dutt), జాకీ ష్రాఫ్‌ (Jackie Shroff) తదితరులు కీలక పాత్రలు పోషించారు. కామెడీ, బోల్డ్‌ సన్నివేశాల నేపథ్యంలో తెరకెక్కిన ఈ సినిమాకు తొలుత నెగిటివ్‌ ఫీడ్‌ బ్యాక్‌ వచ్చినా ఆ తర్వాత కుదురుకుంది.
Home