ఇక్కడసలు ఇలాంటి షోస్ జనాలు చూస్తారా అనే రేంజ్ నుంచి జనాలు ఇరగబడి చూస్తున్నార్రా బాబు అని అనుకొనే స్థాయిలో సూపర్ హిట్ అయిన రియాలిటీ షో “బిగ్ బాస్”. వ్యాఖ్యాతగా ఎన్టీయార్ నేర్పు కావచ్చు, పార్టిసీపెంట్ల హడావుడి వల్ల కావచ్చు, గెస్ట్ల హల్ చల్ వల్ల కావచ్చు. మొత్తానికి “బిగ్ బాస్” మాత్రం సూపర్ హిట్ అయ్యి.. మాటీవీని నెంబర్ 1 చానల్ గా చేసింది. అందుకే ఇప్పుడు ఈ షోకి సెకండ్ సీజన్ ను ప్రారంభించేందుకు సన్నద్ధమవుతున్నారు.
మొదట్లో ఈ సెకండ్ సీజన్ కి కూడా ఎన్టీయార్ ని హోస్ట్ గా అనుకొన్నప్పటికీ.. ఎన్టీయార్ ప్రస్తుతం త్రివిక్రమ్ సినిమా కోసం హార్డ్ కోర్ ట్రైయినింగ్ లో ఉండడంతో ఇప్పుడప్పుడే వేరే కమిట్ మెంట్స్ ఇవ్వలేకపోతున్నాడు. అందుకే ఎన్టీయార్ స్థానంలో బన్నీ లేదా నాని ఈ షోని హోస్ట్ చేసేందుకు సంప్రదింపులు జరుగుతున్నాయి. అయితే.. ఆల్రెడీ మెంబర్స్ ఎవరనేది కూడా లిస్ట్ ఫైనల్ చేసేశారట. ఫస్ట్ సీజన్ కంటే బెటర్ గా మెంబర్స్ ఎన్నిక జరిగిందట. అయితే.. హౌస్ సెట్టింగ్ మాత్రం మార్చలేదట. మహా అయితే పెయింటింగ్స్ మాత్రం మారుస్తారట. ఈ షో షూటింగ్ ఏప్రిల్ లేదా మేలో మొదలెట్టి జూన్ నుంచి టెలికాస్ట్ చేసేందుకు సన్నాహాలు చేస్తున్నారు.
