నందమూరి బాలకృష్ణ నటించిన ఆల్ టైం సూపర్ హిట్ సినిమాల లిస్ట్ ను తీసుకుంటే అందులో ‘భైరవ ద్వీపం’ కూడా ఉంటుంది అనడంలో సందేహం లేదు. 1994 లో సింగీతం శ్రీనివాసరావు దర్శకత్వంలో తెరకెక్కిన ఈ జానపద చిత్రంలో రోజా హీరోయిన్ గా నటించింది.’చందమామ విజయ కంబైన్స్’ బ్యానర్ పై బి.వెంకట్రామరెడ్డి ఎంతో ప్రతిష్టాత్మకంగా నిర్మించారు. కొండలరావు కథ, మాటలు అందించగా మాధవపెద్ది సురేష్ సంగీతం అందించారు. 1994 వ సంవత్సరంలో ఏప్రిల్ 14న రిలీజ్ అయిన ఈ చిత్రం సూపర్ సక్సెస్ అందుకుంది.
టెక్నాలజీ వాడకం ఎక్కువ లేని రోజుల్లో అలాంటి ఔట్పుట్ ఇచ్చినందుకు దర్శకుడు సింగీతం పై ప్రశంసలు కురిశాయి. ఈ ఏడాది ఆ ఏడాదికి గాను మూడవ ఉత్తమ చిత్రంగా నంది అవార్డుని అందుకుంది. ‘పాతాళ భైరవి’ తప్పు కథని తీసుకుని, దానిని ఓ గ్రాఫికల్ వండర్ గా సింగీతం .. ‘భైరవద్వీపం’ ని మలిచారు. అయితే ఇందులో బాలయ్యని ఘోరమైన లుక్ లో చూపించడం అభిమానులను నిరాశ చెందేలా చేసినా.. కథని బట్టి తప్పలేదు అని సింగీతం చెప్పుకొచ్చారు.
ఇప్పటికీ ఈ చిత్రానికి (Bhairava Dweepam) వీరాభిమానులు ఉన్నారు అంటే అతిశయోక్తి అనిపించుకోదేమో. అందుకే ఈ చిత్రాన్ని 4K కి డిజిటలైజ్ చేసి రీ రిలీజ్ చేయబోతున్నారు. అందుతున్న సమాచారం ప్రకారం ఆగస్టు 5 న ఈ చిత్రాన్ని రీ రిలీజ్ చేయడానికి సన్నాహాలు జరుగుతున్నాయి. క్లాప్స్ ఇన్ఫోటైన్మెంట్ వారు ఈ చిత్రాన్ని రీ రిలీజ్ చేయబోతున్నారు.
ఆ హీరోల బ్యాక్ గ్రౌండ్ తెలిస్తే షాక్ అవుతారు..!
‘బ్రో’ తో పాటు ఈ వారం రిలీజ్ కాబోతున్న సినిమాలు/ సిరీస్ ల లిస్ట్
తమ్ముడి కూతురి పెళ్ళిలో సందడి చేసిన శ్రీకాంత్ ఫ్యామిలీ.. వైరల్ అవుతున్న ఫోటోలు!
