అవసరాల శ్రీనివాస్ డైరెక్షన్లో నాని సినిమా ఫిక్సయినట్టే..!

నేచురల్ స్టార్ నాని అలాగే అవసరాల శ్రీనివాస్ మంచి స్నేహితులన్న సంగతి అందరికీ తెలిసిందే. ‘అష్టా చమ్మా’ చిత్రంతో వీరిద్దరూ ఒకేసారి ఇండస్ట్రీకి ఎంట్రీ ఇచ్చారు. నాని హీరోగా కొనసాగుతున్నాడు. ఇప్పుడు స్టార్ గా కూడా ఎదిగాడు. ఇక అవసరాల శ్రీనివాస్ విభిన్నమైన పాత్రలు చేస్తూ నటుడుగా కొనసాగుతున్నాడు. అంతేకాదు డైరెక్టర్ గా కూడా మారి రెండు డీసెంట్ హిట్ సినిమాలను కూడా అందించాడు. ‘ఊహలు గుసగుసలాడే’ ‘జ్యో అచ్యుతానంద’ వంటి చిత్రాలు అవసరాల దర్శకత్వ ప్రతిభ ఏంటనేది తెలియజేసాయి.

ఇదిలా ఉండగా.. అవసరాల డైరెక్షన్లో నాని ఓ సినిమా చెయ్యాలని ఎప్పటి నుండో అనుకుంటున్నాడు. ‘జ్యో అచ్యుతానంద’ చిత్రంలో చిన్న గెస్ట్ రోల్ కూడా ఇచ్చాడు. ఇదిలా ఉండగా.. త్వరలోనే నాని -అవసరాల కాంబినేషన్లో సినిమా మొదలవుతుందనేది తాజా సమాచారం. ప్రస్తుతం నాగ శౌర్య తో ఓ చిత్రాన్ని తెరకెక్కిస్తున్నాడు అవసరాల. ఇది పూర్తయిన తరువాత నానితో సినిమా చేసే అవకాశం ఉందట. నిజానికి స్క్రిప్ట్ పనులను కూడా ఎప్పటినుండో మొదలుపెట్టాడట అవసరాల.

ఈ మధ్యనే మరోసారి నానిని కలిసి కథను వినిపించాడట. అందుకు నాని కూడా ఓకే చెప్పాడని తెలుస్తుంది. ప్రస్తుతం నాని 3 ప్రాజెక్టులకు కమిట్ అయ్యాడు. ఇవి పూర్తయ్యాక వీరి కాంబినేషన్లో సినిమా మొదలయ్యే అవకాశం ఉందని ఇన్సైడ్ టాక్.

Most Recommended Video

కలర్ ఫోటో సినిమా రివ్యూ & రేటింగ్!
24 గంటల్లో అత్యధిక లైక్స్ ను సాధించిన టాప్ 20 టీజర్లు ఇవే..!
టాలీవుడ్ లో తెరకెక్కిన హాలీవుడ్ చిత్రాలు!