Raj Tarun: యంగ్ హీరో రాజ్ తరుణ్ పెళ్లి ఫిక్సట..!

‘ఉయ్యాలా జంపాలా’ ‘సినిమా చూపిస్త మావ’ ‘కుమారి 21ఎఫ్’ వంటి హ్యాట్రిక్ హిట్లతో దూసుకొచ్చిన యువ నటుడు రాజ్ తరుణ్.. అటు తర్వాత కచ్చితంగా స్టార్ హీరోగా ఎదగడం ఖాయం అని అంతా అనుకున్నారు.ఎటువంటి స్టార్ బ్యాక్ గ్రౌండ్ లేకుండా మూడు హిట్లు కొట్టాడు అంటే ఆషామాషీ విషయం కాదు. అందుకే అతన్ని వరుస ఆఫర్లు వరించాయి. అయితే ఎక్కువ సినిమాలకు కమిట్ అవ్వడం వలన ఈ కుర్రాడు తడబడ్డాడో లేక ఇతని పై ప్రేక్షకులు ఎక్కువగా అంచనాలు పెట్టుకోవడం వలన వాటిని అందుకోలేకపోయాడో కానీ.. తర్వాత సక్సెస్ సాధించలేకపోయాడు.

అయితే గతేడాది ఇతని నుండీ వచ్చిన ‘ఒరేయ్ బుజ్జిగా’ చిత్రం ఓటిటిలో విడుదలై పర్వాలేదనిపించింది. దీంతో అతని మూవీస్ కు డిజిటల్ రైట్స్ బిజినెస్ బాగానే జరుగుతుంది. ఇదిలా ఉండగా.. ఇటీవల రాజ్ తరుణ్ హైదరాబాద్ లో సొంత ఇంటిని ఏర్పాటు చేసుకున్నాడట..! మంచి వాస్తుతో ఇతని ఇల్లు ఉన్నట్టు తెలుస్తుంది. అంతేకాదు త్వరలో పెళ్లి చేసుకోవాలనే ఆలోచనలో కూడా రాజ్ తరుణ్ ఉన్నట్టు తెలుస్తుంది.గతంలో కొంతమంది హీరోయిన్లతో ఇతను ప్రేమాయణం సాగిస్తున్నట్టు కూడా వార్తలు వచ్చాయి.

అయితే వాటిలో నిజం లేదని రాజ్ తరుణ్ స్పష్టం చేసాడు. అయితే వచ్చే ఏడాదిలో ఈ యంగ్ హీరో పెళ్లి పక్కా అనే టాక్ బలంగా వినిపిస్తోంది. మొన్నామధ్య ఓ ఇంటర్వ్యూలో తను ప్రేమ వివాహం చేసుకోవాలని ఆశపడుతున్నట్లు హింట్ ఇచ్చాడు. బహుశా అది నిజం కాబోతుందేమో అని కొందరి అభిప్రాయం.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!