శేఖర్‌ కమ్ముల తన స్టయిల్‌ని మార్చి తొలిసారి సీనియర్ హీరోతో పని చేయబోతున్నాడా? అవుననే అంటున్నాయి టాలీవుడ్‌ వర్గాలు. ‘లవ్‌స్టోరీ’ సినిమా విడుదలకు సమయం దగ్గరపడుతున్న తరుణంలో శేఖర్‌ కమ్ముల కొత్త సినిమాపై వార్తలొస్తున్నాయి. ఇప్పటికే తన తర్వాతి సినిమా గురించి చర్చలు పూర్తయ్యయాయట. ‘లవ్‌స్టోరీ’ విడుదలయ్యాక ఈ సినిమా ప్రీ ప్రొడక్షన్‌ పనులు స్టార్ట్‌ చేస్తారని తెలుస్తోంది. ఇంతకీ హీరో ఎవరనేగా… ఇంకెవరు మన వెంకీ మామే. శేఖర్‌ కమ్ముల ట్రాక్‌ రికార్డు చూసుకుంటే…
ఇప్పటివరకు యంగ్‌ హీరోస్‌ తప్ప, సీనియర్ హీరోలతో చేయలేదు. గతంలో ఒకటి రెండుసార్లు సీనియర్ హీరోతో సినిమా ఉంటుందని వార్తలొచ్చినా, కార్యరూపం దాల్చేలేదు. అయితే ఇప్పుడు వెంకటేశ్‌తో ఓకే అయ్యిందని తెలుస్తోంది. ఇటీవల వెంకటేశ్‌ను కలసి సినిమా పాయింట్‌ చెప్పి.. లాక్‌ చేసుకున్నారట. త్వరలో దీనిని పూర్తి స్థాయిలో డెవలప్‌ చేయాలి. ఈ సినిమాను కూడా ‘లవ్‌స్టోరీ’ నిర్మాతల ఏసియన్‌ టీమ్‌ నిర్మించనుందట. వరుస పాటలతో హైప్‌ క్రియేట్‌ చేస్తూ పోతున్న ‘లవ్‌స్టోరీ’ వచ్చే నెల 16న విడుదలవుతోంది.
పాటల్లో నాగచైతన్య, సాయిపల్లవి కెమిస్ట్రీ చూస్తే.. సినిమా హిట్‌ కొట్టేలా ఉందని టాలీవుడ్‌ వర్గాలు అంటున్నాయి. ‘ఫిదా’ మ్యాజిక్‌ను మరోసారి చూపించేందుకు శేఖర్‌ కమ్ముల గట్టిగానే పని చేస్తున్నారట. ప్రస్తుతం ట్రైలర్‌ కట్‌ పనుల్లో టీమ్‌ బిజీగా ఉంది. ఆ తర్వాత ప్రమోషన్స్‌ ఫుల్ స్వింగ్‌లోకి వస్తాయి.
Most Recommended Video
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
ఈ సక్సెస్ ఫుల్ డైరెక్టర్లు ఒకప్పుడు స్టార్ డైరెక్టర్స్ దగ్గర అసిస్టెంట్లుగా చేసిన వాళ్ళే..!
తన 11 ఏళ్ళ కేరీర్లో సమంత మిస్ చేసుకున్న సినిమాల లిస్ట్..!
