అల్లరి సినిమాతో హీరోగా కెరీర్ ను మొదలుపెట్టిన అల్లరి నరేష్ ఆ సినిమా పేరునే తన ఇంటి పేరుగా మార్చుకున్నారు. కెరీర్ తొలినాళ్లలో వరుస విజయాలను అందుకున్న అల్లరి నరేష్ సుడిగాడు సినిమాతో కెరీర్ బిగ్గెస్ట్ హిట్ ను అందుకున్నారు. ఆ సినిమా కలెక్షన్ల విషయంలో కూడా రికార్డులను క్రియేట్ చేసింది. అయితే సుడిగాడు తర్వత అల్లరి నరేష్ నటించిన సినిమాలేవీ ప్రేక్షకులను ఆకట్టుకోలేదు.
కామెడీ సినిమాలకు ప్రేక్షకాదరణ దక్కకపోవడంతో తన శైలికి భిన్నమైన కథ అయిన నాంది సినిమాలో నటించి అల్లరి నరేష్ సక్సెస్ ను ఖాతాలో వేసుకున్నారు. అయితే తాజాగా అల్లరి నరేష్ మరో కొత్త కథకు గ్రీన్ సిగ్నల్ ఇచ్చారని సమాచారం అందుతోంది. కొన్నేళ్ల క్రితం హిందీలో తెరకెక్కి బ్లాక్ బస్టర్ హిట్ గా నిలిచిన న్యూటన్ మూవీ తరహా కథాంశంలో నటించడానికి అల్లరి నరేష్ ఓకే చెప్పారని తెలుస్తోంది.
తక్కువ బడ్జెట్ తోనే హిందీలో తెరకెక్కిన న్యూటన్ నిర్మాతలకు భారీ మొత్తంలో లాభాలను అందించడంతో పాటు అవార్డులను కూడా తెచ్చిపెట్టింది. ప్రస్తుతం అల్లరి నరేష్ నటిస్తున్న సినిమాకు ఈ సినిమాకు పోలికలు ఉన్నాయి. న్యూటన్ మూవీలో హీరో ఎలక్షన్ ఆఫీసర్ కాగా బ్యాలెట్ బాక్స్ ను ఎత్తుకెళ్లడంతో కథ మలుపు తిరుగుతుంది. అయితే నరేష్ నటిస్తున్న సినిమాలో మాత్రం ఎలక్షన్ ఆఫీసర్ గా నటిస్తున్న నరేష్ నే ఎత్తుకెళతారని సమాచారం.
కామెడీ ప్రధానంగా ఈ సినిమా తెరకెక్కుతోందని ప్రేక్షకులను ఆకట్టుకునే ట్విస్టులు సినిమాలో ఉంటాయని సమాచారం అందుతోంది. ఈ సినిమాతో నరేష్ మరో బ్లాక్ బస్టర్ హిట్ ను సొంతం చేసుకుంటారేమో చూడాల్సి ఉంది. ఈ సినిమాలో కామెడీ టచ్ తో పాటు మెసేజ్ ఉండనుందని సమాచారం అందుతోంది. ఆనంది ఈ సినిమాలో హీరోయిన్ గా ఎంపికయ్యారని తెలుస్తోంది. అల్లరి నరేష్ వరుసగా విజయాలను సొంతం చేసుకోవాలని ఆయన ఫ్యాన్స్ కోరుకుంటున్నారు.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home
