ఐకాన్ స్టార్ అల్లు అర్జున్ మామ చిరంజీవిని ప్రేరణగా తీసుకుని సినిమాల్లోకి ఎంట్రీ ఇచ్చిన సంగతి తెలిసిందే. మెగా ఫ్యాన్స్ వల్లే అల్లు అర్జున్ కు ఊహించని స్థాయిలో క్రేజ్, గుర్తింపు వచ్చింది. ప్రస్తుతం బన్నీ పుష్ప సినిమాలో నటిస్తుండగా ఈ సినిమా టీజర్ తో బన్నీ మామను మించిన అల్లుడిగా పేరు తెచ్చుకుంటూ ఉండటం గమనార్హం. ఆచార్య, పుష్ప సినిమాలు షూటింగ్ లు జరుపుకుంటుండగా కొన్ని నెలల గ్యాప్ లోనే ఈ సినిమాలు రిలీజ్ కానున్నాయి.
దాదాపు ఐదు నెలల క్రితం ఆచార్య టీజర్ రిలీజ్ కాగా ఈ టీజర్ కు ఇప్పటివరకు 21 మిలియన్ల వ్యూస్ వచ్చాయి. అయితే రెండు నెలల క్రితం విడుదలైన పుష్ప రాజ్ వీడియోకు మాత్రం ఏకంగా 75 మిలియన్ల వ్యూస్ వచ్చాయి. తెలుగు టీజర్లలో ఈ స్థాయిలో వ్యూస్ సాధించిన టీజర్ మరొకటి లేదనే చెప్పాలి. ఈ వ్యూస్ జెన్యూన్ కాదని కొంతమంది ఆరోపణలు చేసినా టీజర్ ద్వారా అల్లు అర్జున్ ఇతర స్టార్ హీరోలకు కూడా షాక్ ఇచ్చారనే చెప్పాలి.
పుష్ప పార్ట్ 1 రిలీజయ్యే నాటికి పుష్ప టీజర్ వ్యూస్ పది కోట్ల మార్కును అందుకున్నా ఆశ్చర్యపోవాల్సిన అవసరం లేదు. మరోవైపు పుష్ప సినిమాపై సుకుమార్ ఫుల్ కాన్ఫిడెన్స్ తో ఉన్నారని సమాచారం. పుష్ప సినిమాలో బన్నీ పర్ఫామెన్స్ ప్రేక్షకులు ఆశ్చర్యపోయేలా ఉంటుందని తెలుస్తోంది. పాన్ ఇండియా మూవీగా పుష్ప సినిమా తెరకెక్కుతుండగా ఈ మూవీ పాన్ ఇండియా హిట్ గా నిలుస్తుందో లేదో చూడాల్సి ఉంది.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
